काठमाडौं ।
सामाजिक सञ्जाल फेसबुक, ह्वाट्सएप र इन्स्टाग्राम झण्डै ६ घण्टा नचल्ने समस्यापछि फिर्ता आएका छन् ।
फेसबुकले ट्विटरमार्फत आफ्ना सेवाहरु पुन संचालनमा आएको जानकारी दिएको हो । फेसबुकसहित ह्वाट्सएप र इन्स्टाग्राम बिहान करिब ४ बजेदेखि पुनः चलाउन सकिने भएको कम्पनीले जानकारी दिएको छ।
सबै तीन सेवाहरु फेसबुकको स्वामित्वमा छन् र त्यसका वेब वा स्मार्टफोन एपहरुमा पहुँच हुन सकेको थिएन् ।
आउटेज ट्र्याक गर्ने डाउन्डिटेक्टरले भनेअनुसार यो संसारमा १ करोड ६ लाख समस्या रिपोर्ट संगै देखिएको विश्वकै सबैभन्दा ठूलो असफलता हो।
पछिल्लो पटक फेसबुकले यस्तै अवरोध २०१९ मा भोगेको थियो।
फेसबुकले आउटेजबाट प्रभावित भएकाहरुसँग माफी मागेको छ।
सामाजिक सञ्जाल जायन्टका प्रमुख टेक्नोलोजी अधिकारी माइक श्रोएफरले फेसबुकको सेवाहरु “१००%सम्म” पुग्न केहि समय लाग्न सक्ने बताए।
इन्स्टाग्राम र ह्वाट्सएपले पनि उनीहरुको सेवाहरु ब्याक अप र चल्न थालेको ट्वीटरमार्फत पुष्टि गरे।
अहिलेसम्म समस्याको लागी कुनै आधिकारिक कारण दिइएको छैन। तर अनलाइन सञ्जाल विशेषज्ञहरुले अनुमान लगाएअनुसार यो फेसबुक साइटहरु को लागी डिएनएस, वा डोमेन नाम प्रणालीका साथमा एक त्रुटि समावेश हुन सक्छ।
डिएनएसलाई प्राय: एक ठेगाना किताब वा इन्टरनेटको लागी फोन किताबसंग तुलना गरीन्छ, जसले कम्प्यूटर प्रणालीको लागी वेब ब्राउजरलाई संकेत गरीरहेको हुन्छ जुन वेबसाइट उनीहरुले खोजिरहेका हुन्छन्।
सम्बन्धित-
अपडेटः आउटेजमा काम गरिरहेको फेसबुकको भनाई तर कति समयमा समाधान हुन्छ थाहा छैन्
प्रकाशित: १९ आश्विन २०७८, मंगलवार
