फोरजी सेवा चलाउने प्रयोगकर्ताको संख्या एक करोड नाध्यो

Technology Khabar २९ भाद्र २०७८, मंगलवार

फोरजी सेवा चलाउने प्रयोगकर्ताको संख्या एक करोड नाध्यो

फोरजी सेवा सुरु भएको पाँच वर्षमा यसका प्रयोगकर्ता करिब एक करोड पुगेका छन् । नेपाल दूरसञ्चार प्राधिकरणका अनुसार असारसम्म नेपालमा फोरजी चलाउनेको सङ्ख्या ९९ लाख ५४ हजार नाघेको हो।

नेपालमा अहिले तीनवटा दूरसञ्चार सेवा प्रदायकले फोरजी सेवा उपलब्ध गराइरहेका छन् । यद्यपि प्रतिस्पर्धा भने मुख्य रूपमा नेपाल टेलिकम र एनसेलबीच मात्र देखिन्छ। प्राधिकरणको तथ्याङ्कअनुसार टेलिकमका फोरजी प्रयोगकर्ता ४७ लाख ४४ हजार नाघेका छन् ।

एनसेलको सबैभन्दा धेरै ५० लाख ४२ हजार रहेको देखिन्छ। अर्को सेवा प्रदायक स्मार्ट टेलिकमका भने एक लाख ६६ हजार मात्र फोरजी प्रयोगकर्ता रहेका छन् ।

प्रयोगकर्ताको सङ्ख्याको हिसाबले गत आर्थिक वर्ष २०७७/७८ मा फोरजीमा सबैभन्दा धेरै ग्राहक थपिएका छन् । टेलिकमले विगत एक वर्षको अवधिमा मात्रै करिब ४० लाख फोरजी प्रयोगकर्ता थपेको छ।

त्यस्तै एनसेलले २० लाख फोरजी प्रयोगकर्ता थप गरेको छ। स्मार्ट टेलिकमका भने फोरजी प्रयोगकर्ता घटेको देखिन्छ। एक वर्षको अवधिमा कम्पनीका करिब ५० हजार फोरजी प्रयोगकर्ता घटेको तथ्याङ्कले देखाउँछ ।

प्राधिकरणका अनुसार मोबाइलबाट इन्टरनेट प्रयोग गर्नेको कुल सङ्ख्या दुई करोड २८ लाख नाघेको छ । फोरजीबाहेक थ्रीजी प्रयोग गर्नेको सङ्ख्या करिब एक करोड २९ लाख रहेको छ ।

जसमध्ये नेपाल टेलिकमका एक करोड चार लाख थ्रीजी प्रयोगकर्ता छन् भने एनसेलका २४ लाख ६२ हजार छन् । गोरखापत्र

TK Viber

प्रकाशित: २९ भाद्र २०७८, मंगलवार

Loading...