कास्परस्कीद्धारा स्मार्ट होम सेक्युरिटीको घोषणा, घरमा जडित यन्त्रहरुको सुरक्षा गर्ने

काठमाडौं ।

कास्परस्कीले नयाँ प्लेटफर्म कास्पर्स्की स्मार्ट होम सेक्युरिटी जारी गर्ने घोषणा गरेको छ। कम्पनीले नयाँ दृष्टिकोणले दूरसञ्चार अपरेटरहरुलाई स्मार्ट घर उपकरणहरुको सुरक्षाको लागी बढ्दो उपभोक्ता माग सम्बोधन गर्न मद्दत गर्ने बताएको छ।

यसले उपकरण भित्र अनधिकृत प्रवेश, दुर्भावनापूर्ण हमला वा गोप्य निगरानीको रूपमा सम्भावित खतराहरुको एक विस्तृत श्रृंखलाको बिरुद्ध व्यापक सुरक्षा प्रदान गर्दछ। यो उत्पादन दूरसञ्चार अपरेटरद्वारा राउटरमा इन्स्टल गरिने छ । सबै उपकरणहरु नियन्त्रण र सुरक्षाको लागी प्रयोगकर्ताले स्मार्टफोनमा त्यसको लागि एक एप डाउनलोड गर्नुपर्ने आवश्यक हुन्छ।

कास्परस्कीको नयाँ उत्पादनले मालवेयर, गोप्य निगरानी, ​​र इन्टरनेट नियन्त्रणको बिरुद्ध सुरक्षा सहित साइबर सुरक्षाको धेरै प्रमुख पक्षहरुको संयोजन गर्दछ। विशेष गरी, घुसपैठ नियन्त्रण सेट एभी फाइल स्क्यानिङ्ग, ब्रुट फोर्ट आक्रमण रोक्न, संकास्पद यूआरएल जाँच, र इन्टरनेट पोर्ट र प्रोटोकल निगरानी गर्न सक्षम छ।

एउटा सुरक्षा जाँच किटले ग्राहकहरुलाई प्रणाली र उपकरणहरुको लागी सुरक्षाको स्तर नियन्त्रण गर्न दिनेछ। यदि उपकरणहरुको लागी पासवर्ड धेरै कमजोर छ भने उत्पादनले प्रयोगकर्तालाई सूचित गर्दछ र यसका साथै एक नयाँ र सुरक्षित विकल्प छनौट गर्न मद्दत गर्दछ। यसको अतिरिक्त, सेटमा इन्टरनेट प्रोटोकल र कमजोर इन्टरनेट पोर्टको जाँच समावेश छ।

कास्परस्की स्मार्ट होम सेक्युरिटीले आमाबाबुलाई आफ्ना बच्चाहरुको लागी इन्टरनेटको उपयोगमा प्रतिबन्ध लगाउनका लागि समय तय गर्ने क्षमता प्रदान गर्दछ, जस्तै राती वा अन्य अवांछनीय समयमा इन्टरनेटको उपयोग, र अनुपयुक्त वेबसाइटहरुको भ्रमण लाई रोक्न सकिनेछ। एजेन्सी