बुटवलमा ई–रिक्साको व्यवस्थापन हुने

Technology Khabar १९ भाद्र २०७८, शनिबार

बुटवलमा  ई–रिक्साको  व्यवस्थापन हुने

बुटवलका लागि ट्राफिक व्यवस्थापनमा चुनौती बनिरहेको इलेक्ट्रिक रिक्साको व्यवस्थापन हुने भएको छ। बुटवल उपमहानगरपालिकाले इलेक्ट्रिक रिक्सा उपमहानगरमा दर्ता गरेर नियामक निकायमा पठाएपछि उपमहानगरको अर्को एउटा पहल सार्थक बनेको छ ।

उपमहानगरले जारी गरेको सूचना र त्यस अवधिमा कागजातसहित आवेदन दर्ता गराएका एक हजार १८ वटा विद्युतीय ई–रिक्साहरूको ब्लुबुक तयार पार्ने र इजाजतका लागि अरू नियामक निकायमा सिफारिस गरिएको छ ।

अब बुटवलमा बुटवल उपमहानगरमा दर्ता भएका र ब्लुबुक तयार भएका एक हजार १८ वटा इले क्ट्रिक रिक्सा मात्रै चल्न पाउनेछन् । बुटवल उपमहानगरले विद्युतीय रिक्सा सञ्चालन, व्यवस्थापन तथा नियमनसम्बन्धी कार्यविधि–२०७६ नै बनाएर काम अगाडि बढाएको थियो ।

उपमहानगर पालिकाका उपप्रमुख गुमादेवी आचार्यको संयोजकत्वमा सर्वपक्षीय समिति गठन गरेर व्यवस्थापनको काम अगाडि बढाइएको थियो ।

बुटवल उपमहानगरका प्रमुख शिवराज सुवेदीले नगर क्षेत्रमा चल्ने विद्युतीय रिक्साको दर्ता र अनुमतिको काम अगाडि बढाइएको बताए ।

उनले सङ्घीय र प्रदेशको कानुनसँग नबाझिने गरी उपमहानगरले कानून बनाएको उल्लेख गरे । उपमहानगरले ई–रिक्सा व्यवस्थापनका लागि पटक–पटक सर्वपक्षीय बैठक तथा छलफल गरेको थियो । अब ई–रि क्सामा पहिचान र दर्ता भएको प्रमाण झल्किने बुटवल उपमहानगरको स्टिकर टाँस गरिने भएको छ ।

उपप्रमुख तथा समितिका संयोजक आचार्यले हालै एकसमारोहबीच उपमहानगरले तयार पारेको पहिचानयुक्त स्टिकर टाँसेर दर्ता अनुमतिको काम औपचारिकरूपमा शुभारम्भ गरेका थिए ।

उपमहानगरले अन्यत्र दर्ता भएर बुटवलमा ल्याएका इलेक्ट्रिक सवारीलाई सञ्चालनमा भने अब रोक लगाइने उपमहानगरका प्रमुख प्रशासकीय अधिकृत शिवप्रसाद रेग्मीले बताए ।

दर्ता अनुमति भई रुट इजाजत प्राप्त रिक्साहरूको आयु कार्यविधि बमोजिम रुट इजाजत प्राप्त भएका मितिले पाँच वर्षको मात्र हुनेछ । गोरखापत्र

TK Viber

प्रकाशित: १९ भाद्र २०७८, शनिबार

Loading...