राष्ट्र बैंकले सञ्चालनमा ल्यायो आधिकारिक ट्विटर एकाउन्ट

Technology Khabar १७ भाद्र २०७८, बिहीबार

राष्ट्र बैंकले सञ्चालनमा ल्यायो आधिकारिक ट्विटर एकाउन्ट
फाइल

नेपाल राष्ट्र बैंकले आफ्नो आधिकारिक ट्विटर एकाउन्ट सञ्चालन ल्याएको छ। नेपाल राष्ट्र बैंकका गभर्नर महाप्रसाद अधिकारीले बिहीबार आफ्नो ट्विटर एकाउन्ट मार्फत केन्द्रिय बैंकको पनि ट्विटर एकाउन्ट खोलिएको जानकारी दिएका हुन् ।

बिहीबार ट्विटर गर्दै  गभर्नर अधिकारीले भने, ‘सामाजिक सञ्जाल सम्बन्धि नीति पारित भएसँगै नेपाल राष्ट्र बैंकको ट्विटर एकाउन्ट खोलिएको छ।यसबाट सूचना सम्प्रेषण गर्न र पृष्ठपोषणमा सहयोग मिल्ने अपेक्षा गरिएको छ ।’

यसअघि पनि राष्ट्र बैंकको छुट्टै ट्विटर एकाउन्ट थियो तर सो एकाउन्ट लामो समयदेखि निष्क्रिय रहँदै आएको थियो ।

नयाँ एकाउन्टबाट राष्ट्र बैंकले आफ्ना आधिकारीक जानकारीहरु शेयर गर्नेछ । सो एकाउन्ट जुलाई २०२१ मा खुलेको हो र हालसम्म त्यसमा १८ सय भन्दा धेरै फलोअर छन भने गर्भनर अधिकारीको एकाउन्टलाई मात्र फलो गर्दै आएको छ ।

TK Viber

प्रकाशित: १७ भाद्र २०७८, बिहीबार

Loading...