Technology Khabar २४ श्रावण २०७८, आईतवार
काठमाडौं ।
शाओमी एमआई स्मार्ट ब्यान्ड ६ मा एउटा उपयोगी फिचर थपिने गरी नयाँ फर्मवयर अपडेट उपलब्ध हुने भएको छ।
आउँदै गरेको फर्मवयर भर्सन १.०.४.३८ अपडेट गरेपछि ब्यान्ड ६ मा नयाँ फ्ल्याशलाइट फङ्शनका चल्नुका साथै यसले विभिन्न भाषा पनि सपोर्ट गर्ने कम्पनीले जनाएको छ।
यो फर्मवयर अपडेट हाल बेलायत, चेक रिपब्लिक तथा कुवेतमा चलिरहेको र विश्वका अन्य देशमा पनि छिट्टै विस्तार हुने बुझिएको छ।
एमआई स्मार्ट ब्यान्ड ६ अपडेट डाउनलोड गर्नुअघि यूजरले एमआई फिट एपलाई ५.३.० भर्सनमा अपडेट गरेको हुनुपर्छ।
गत अप्रिलमा एमआई ब्यान्ड ६ मा एउटा फर्मवयर अपडेट उपलब्ध भएको थियो जसमा स्लीप ट्रयाकिङ गर्दा डिभाइसले श्वासप्रश्वासको अनुगमन गर्न सक्थ्यो। यो एपको ५.० भर्सनमा आएको थियो।
शाओमी एमआई स्मार्ट ब्यान्ड ६ मा १.५६ इन्च एमोलेड टच स्क्रीन डिस्प्ले रहेको छ भने यसमा हार्ट रेट मनिटरिङ, एसपीओ२, फिटनेस ट्र्याकिङ, म्युजिक कन्ट्रोल तथा अलार्म फङ्शन उपलब्ध छ।
प्रकाशित: २४ श्रावण २०७८, आईतवार
