Technology Khabar १९ श्रावण २०७८, मंगलवार
काठमाडौं ।
केही महिनाअघि सार्वजनिक भएको शाओमीको रेडमी १० को हालै जापानी संस्करण रेडमी नोट १० जेई हालै सार्वजनिक गरिएको छ।
यो भेरियन्टमा यो सिरिजमै पहिलो पटक स्न्यापड्रागन ४८० चिपसेट राखिएको छ भने यसलाई एयू करियरमार्फत् बिक्री गरिने बुझिएको छ।
नोट १० मा थुप्रै चिपसेटहरु प्रयोग भए। तीमध्ये स्न्यापड्रागन ४८० सबैभन्दा कम शक्तिशाली हो तर यसमा फाइभजी सपोर्ट गर्ने र सस्तो भएकाले चर्चामा आएको छ।
यो भर्सनमा जापानमा चर्चित मोबाइल भुक्तानी प्रणाली फेलिका/ओसाइफू-केइताइ उपलब्ध छ। साथै यो सिरिजमा पहिलोपल्ट आईपी६८ रेटिङ फिचर राखिएको छ।
यसमा एउटा मात्र सिम लाग्छ तर भोल्टे र फाइभजी सपोर्ट गर्छ। यसमा ४ जीबी र्याम तथा एन्ड्रोइड ११ मा आधारित एमआईयूआई १२.५ दिइएको छ।
यसबाहेक यसमा ९० हर्ज रिफ्रेश रेटसहितको ६.५ इन्च एलसीडी डिस्प्ले राखिएको छ भने ४८ मेगापिक्सेलको मुख्यसहित ट्रिपल क्यामरा सेटअप उपलब्ध छ। सेल्फीका लागि ८ मेगापिक्सेलको शूटर राखिएको छ।
यसलाई पावर दिनका लागि १८ वाट फास्ट चार्जिङसहित ४८०० एमएएच क्षमताको ब्याट्री राखिएको छ। यो फोन जापानमा आगामी अगस्ट १३ बाट उपलब्ध हुने जनाइएको छ।
प्रकाशित: १९ श्रावण २०७८, मंगलवार