Technology Khabar ३० असार २०७८, बुधबार
काठमाडौं ।
चर्चित फिनिस ब्रान्ड नोकियाले आगामी जुलाइ २७ मा एउटा रग्ड फोन सार्वजनिक गर्ने भएको छ।
नाम अनुसार नै रग्ड फोन भन्नाले अन्य साधारण स्मार्टफोनको तुलनामा दोब्बर हाउजिङ र सुरक्षाका उपायहरु प्रयोग गरेर धुलो पानी कम्पन टक्कर आदिबाट असर नपर्ने र लामो समयसम्म चलाउन मिल्ने गरी बनाइएका फोनहरुलाई बुझाउँछ।
कम्पनीले हालै एउटा ट्विटरमा एउटा टिजरका साथमा केही शब्दहरुसहित अब आउँदै गरेको फोन रग्ड फोन हुने इंगित गरेको थियो।
Coming ?
? 27.07.21 pic.twitter.com/uwQa5Ja2QP
— Nokia Mobile (@NokiaMobile) July 13, 2021
यो फोनको डिजाइन झट्ट हेर्दा कम्पनीले भर्खरै ल्याएको एक्स१० र एक्स२० को जस्तै देखिन्छ। यसमा पनि पछाडि गोलाकार हाउजिङमा जाइसको ब्रान्डिङसहितको क्वाड क्यामरा सेटअप रहने र बीचमा एलईडी फ्ल्याश रहने बुझिएको छ।
यसको केस प्लास्टिकबाट बनेको छ भने यसक स्पेसिफिकेशनका बारेमा धेरै जानकारी दिइएको छैन। तर यो फोन निकै चर्चामा रहेको नोकिया एक्सआर२० हुनसक्ने आकलन गरिएको छ।
यो डिभाइस गत महिना गीकबेन्चमा देखा परेको थियो जसमा एक्स१० र एक्स२० मा जस्तै ४ जीबी र्याम र ६४ जीबी आन्तरिक स्टोरेज दिइएको छ।
प्रकाशित: ३० असार २०७८, बुधबार