मित्सुबिसीले उत्सर्जन छलीबापत दुई करोड ५० लाख युरो जरिबाना तिर्यो

Technology Khabar २८ असार २०७८, सोमबार

मित्सुबिसीले उत्सर्जन छलीबापत दुई करोड ५० लाख युरो जरिबाना तिर्यो

जापानी गाडी निर्माता मित्सुबिसी मोटर्सले यस वर्षको सुरुमा उत्सर्जन जालसाजी गरेको भनी जर्मन अभियोजकहरूले लगाएको अभियोगका लागि दुई करोड ५० लाख युरो जरिवाना तिरेको जनाएको छ।

जापानी गाडी निर्माता कम्पनीले सोमबार जरिवानाबारे पुष्टि गरेको हो ।
जर्मन अधिकारीहरूले गत वर्ष मित्सुबिसी कारहरू संलग्न भएको संदिग्ध डिजेल उत्सर्जनको अनुसन्धानको भागको रूपमा १० वटा स्थलहरूमा छापा मारेका थिए । मित्सुबिसी मोटर्सले सोमबार फ्रान्कफर्ट अभियोजन कार्यालयले मार्चको अन्तिम साता दुई करोड ५० लाख युरो जरिबाना सूचना जारी गरेको जनाएको छ ।

फर्मका प्रवक्ताले एएफपीलाई भने,“हामीले राम्रो जानकारीको विरूद्ध अपील भने गरेका छैनौं ‘जरिबाना रकम’ मार्चको अन्त्य पहिल्यै भुक्तान गरिएको थियो । उत्सर्जन उल्लङ्घनहरू ‘जानाजानी वा इच्छापूर्वक गरिएको थियो’ भन्ने बिषयमा आदेशले त्यस्तो कुनै प्रमाण फेला नपारेको तथा कुनै जालसाजी व्यवहारको पहिचान नभएको उनले बताए।

ब्लुमबर्ग न्यूजले यसैबीच फ्रान्कफर्ट अभियोजन पक्षका एक प्रवक्तालाई उल्लेख गर्दै जरिवाना तिरेको अभियोगमा अनुसन्धान समाप्त भएको उल्लेख गरेको छ ।मुद्दालाई मार्चमा अन्त्य गरिएको थियो तर यसलाई सोमबार पहिले खुलासा नगरिएको ब्लूमबर्गले लेखेको छ ।

यस छानवीनले १.६ र २.२ लिटर ईन्जिनसहितका मित्सुबिशी डिजल गाडीको ध्यान केन्द्रित गरेको छ । ती गाडीहरूलाई उत्सर्जन मापदण्डको पालनाका आधारमा जर्मनीको उच्चतम यूरो–५ र यूरो–६ गुणस्तर दर प्राप्त गरेको थियो ।

अभियोजकहरूले इन्जिनहरू तथाकथित ‘शटडाउन’ उपकरणद्वारा बनेका छन् यसबाट उनीहरूको ल्याब परीक्षणहरूमा उनीहरू सडकमा भन्दा कम प्रदूषणकारी देखा पर्दछन् । सन् २०१५ मा फोक्सवेगन समूहको प्रदूषण परीक्षणको लागि ११ करोड गाडीमा सफ्टवेयर स्थापना गर्न स्वीकार गरेको ‘डिजेलगेट’ घोटालामा मित्सुबिसीको अनुसन्धान मात्र एउटा यस्तो कदम थियो ।

यसअघि गाडीको हानिकारक उत्सर्जन घटाउन सक्ने प्रविधिको विकासलाई रोक्नको लागि डेमलरसँग मिलेको भन्दै यूरोपेली आयोगले फक्सवागन समूह र बीएमडब्ल्यूलाई १ अर्ब डलर जरिवाना गरेको थियो । एजेन्सी

उत्सर्जन घटाउने प्रविधिको विकास रोकेको भन्दै फक्सवागन र बीएमडब्ल्यूलाई १ अर्ब डलर जरिवाना

TK Viber

प्रकाशित: २८ असार २०७८, सोमबार

Loading...