अडीले २०२६ देखि केवल इलेक्ट्रिक मोडेलका कारहरू मात्र प्रक्षेपण गर्ने

Technology Khabar १० असार २०७८, बिहीबार

अडीले २०२६ देखि केवल इलेक्ट्रिक मोडेलका कारहरू मात्र प्रक्षेपण गर्ने

काठमाडौं ।

जर्मन लक्जरी कार निर्माता ब्रान्ड अडीले सन् २०३३ सम्ममा डिजेल र पेट्रोल कारहरूको निर्माण रोक्ने मंगलबार घोषणा गरेको छ। वास्तवमा, अब कम्पनीले आफ्नो ध्यान इको मैत्री इलेक्ट्रिक कारहरूतर्फ केन्द्रित गरिरहेको छ।

यस सम्बन्धमा अडीका सीईओले एक विज्ञप्ति जारी गर्दै भने, ‘अडी इलेक्ट्रिक युगमा आफ्नो स्पष्ट र शक्तिशाली कदम चाल्न राम्रोसँग तयार छ। हामी तपाईंलाई बताउँछौं, कम्पनीले २०२६ को शुरुदेखि नयाँ इलेक्ट्रिक कार मोडेल मात्र सुरू गर्ने योजना बनाएको छ।

चाखलाग्दो कुरा के छ भने, पछिल्लो समयमा कार निर्माताहरू जलवायु परिवर्तनको बारेमा चिन्तित छन्, जसका कारण अब उनीहरूले ब्याट्रीबाट चालित सवारी साधनहरूमा ध्यान केन्द्रित गरिरहेका छन्।

अडीका सीईओ डिसेमानले अडीले डिजेल वा पेट्रोल मोडेलको तुलनामा यस वर्ष बढी इलेक्ट्रिक मोडलहरू ल्याउने बताए। सन् २०२५ सम्म, अडीले यस लाइन अपमा २० भन्दा बढी ई-मोडेलहरू राख्ने लक्ष्य राखेको छ।

डिसेमानले कम्पनी इलेक्ट्रिक वाहनहरुमा ध्यान केन्द्रित गरिरहेको र साथसाथै कम्पनी अन्तिमसम्म आफ्नो इन्टरनल कम्बस्टन इञ्जिन सुधार गर्नेमा काम जारी राख्नेछ।

अडीको प्यारेन्ट कम्पनी फक्सवागनले यस बर्षको शुरुमा आगामी ५ बर्षमा ४६ अर्ब युरो खर्च गर्ने बताईसकेको छ। एजेन्सी

Global Bank
easy care

प्रकाशित: १० असार २०७८, बिहीबार

ताजा समाचार