थुप्रै डटकमले ल्यायो अडियो बुक

Technology Khabar ३० जेष्ठ २०७८, आईतवार

थुप्रै डटकमले ल्यायो अडियो बुक

अनलाइनमार्फत नेपाली पुस्तकहरु बिक्री गर्दै आएको थुप्रै डटकमले सुन्न सकिने पुस्तक (अडियो बुक)को विकास गरेको छ । कामको व्यस्तताले पुस्तक पढ्न चाहेर पनि समय निकाल्न नसक्नेहरूका लागि अडियो बुक उपयुक्त हुने सो संस्थाको भनाइ छ ।

छापिएका पुस्तक किन्नुभन्दा अडियो बुक निकै सस्तो पर्दछ । कार्यालय आउजाउ गर्दा वा भ्रमणका बखत गाडी चलाउँदा होस् वा बसमा यात्रा गर्दा होस् समयको उपयोग गरेर अडियो बुक सुन्न सकिन्छ ।

दृष्टिविहीन वा आँखाका समस्या भएकाहरूका लागि पनि अडियो बुक उपयुक्त विकल्प हुने थुप्रै डटकमले विज्ञप्तिमार्फत जनाएको छ ।

थुप्रै डटकमका सहसंस्थापक दीपेश आचार्यले नेपाली भाषा बोल्न र बुझ्न सक्ने तर नेपाली पढ्न र लेख्न नसक्ने आप्रवासी नेपालीका लागि पनि अडियो बुक उपयुक्त हुने बताएका छन् ।

TK Viber

प्रकाशित: ३० जेष्ठ २०७८, आईतवार

Loading...