भर्चुअल माध्यमद्वारा बेलायतका लागि नेपाली राजदूतले बुझाए ओहोदाको प्रमाणपत्र

Technology Khabar २८ जेष्ठ २०७८, शुक्रबार

भर्चुअल माध्यमद्वारा बेलायतका लागि नेपाली राजदूतले बुझाए ओहोदाको प्रमाणपत्र
Classic Tech

बेलायतका लागि नेपाली राजदूत लोकदर्शन रेग्मीले बेलायतकी महारानी एलिजावेथ द्वितीयसमक्ष बुधबार आफ्नो ओहोदाको प्रमाणपत्र बुझाएका छन् ।

लण्डनस्थित बकिङ्घम प्यालेसमा आयोजित कार्यक्रममा राजदूत रेग्मीले भर्चुअल माध्यमद्धारा ओहोदाको प्रमाणपत्र बुझाएको लण्डनस्थित नेपाली राजदूतावासले जनाएको छ ।

कोभिड १९ को कारण प्रत्यक्ष भेटभाट बन्द गरिएकोले महारानीले विन्सर क्यासल दरबारबाट भर्चुअल माध्यममार्फत विभिन्न देशका राजदूत तथा हाइ कमिश्नरहरुको ओहोदाको प्रमाणपत्र बुझ्दै आएकी छिन् ।

ओहोदको प्रमाणपत्र बुझाउदै राजदूत रेग्मीले राष्ट्रपति विद्यादेवी भण्डारी तथा प्रधानमन्त्री केपी शर्मा ओलीको तर्फबाट बेलायती महारानीको खुशी तथा सुस्वास्थ र बेलायती जनताको निरन्तर प्रगतिको शुभकामनासहितको सन्देश सुनाएका थिए ।

निर्वतमान मुख्यसचिवसमेत रहनु भएका रेग्मीले गत फागुन १७ गते बेलायतका लागि नेपालको २१औँ राजदूतको रुपमा पदभार ग्रहण गरेका थिए ।

TK Viber

प्रकाशित: २८ जेष्ठ २०७८, शुक्रबार

Loading...