सञ्चार मन्त्रालयको जिम्मा नैनकला थापालाई दिईँदै, आजै शपथ ग्रहण हुने

Technology Khabar २७ जेष्ठ २०७८, बिहीबार

सञ्चार मन्त्रालयको जिम्मा नैनकला थापालाई दिईँदै, आजै शपथ ग्रहण हुने
Classic Tech

प्रधानमन्त्री केपी शर्मा ओलीले सञ्चार तथा सूचना प्रविधि मन्त्रालयको जिम्मा नैनकला थापालाई दिएका छन् ।

प्रधानमन्त्री ओलीले आज पुर्नगठन गर्न लागेको मन्त्रिपरिषद्मा पूर्वमाओवादी समूहबाट नैनकला थापाले सूचना प्रविधि तथा सञ्चार मन्त्रालयको जिम्मेवारी पाउने भएकी हुन् ।

प्रधानमन्त्रीका प्रेस सल्लाहकार सूर्य थापालाई उदृत गर्दै आज ४ बजेपद तथा गोपनीयताको सपथ ग्रहणको तयारी भएको लुम्बिनी सञ्चारले उल्लेख गरेको छ । ‘नवनियुक्त मन्त्रीहरुको नाम बाहिर सार्वजनिक भएको वरीपरी नै छ । ४ बजे पद तथा गोपनीयताको सपथ ग्रहणको तयारी भएको छ,’ थापाले भने ।

नैनकला थापा पूर्वगृहमन्त्री रामबहादुर थापा बादलकी पत्नी हुन् ।

हाल सञ्चार तथा सूचना प्रविधि मन्त्रालय प्रधानमन्त्री केपी शर्मा ओलीले आफूसँगै राखेका छन् । यसअघिको पुर्नगठनमा सञ्चार मन्त्री पार्वत गुरुङलाई उनले हटाएका थिए ।

प्रधानमन्त्री ओलीले ७ मन्त्री र एक राज्यमन्त्री थप गर्न लागेका हुन् ।

TK Viber

प्रकाशित: २७ जेष्ठ २०७८, बिहीबार

Loading...