एप्पलको वार्षिक डेभलपर्स कन्फ्रेन्स आज हुँदै, यसरी हेर्न सकिनेछ लाइभ कार्यक्रम

Technology Khabar २४ जेष्ठ २०७८, सोमबार

एप्पलको वार्षिक डेभलपर्स कन्फ्रेन्स आज हुँदै, यसरी हेर्न सकिनेछ लाइभ कार्यक्रम
Classic Tech

एप्पलको दोस्रो सबै भर्चुअल वर्ल्डवाइड डेभलपर्स कन्फ्रेन्स २०२१ (‘डब्ल्यूडब्ल्यूडीसी २१’) सोमबार जून ७ तारिख अर्थात आज  आयाेजना हुँदैछ । कम्पनीले यो कार्यक्रम अमेरिकाको स्थानीय समयअनुसार बिहान १० बजे शुरु गर्नेछ र नेपाली समयअनुसार राती १०ः४५ बजे शुरु हुनेछ ।

हामी ‘डब्ल्यूडब्ल्यूडीसी २१’ मा आईओएस १५, वाचओएस ८, म्याकओएस १२, र अन्य धेरै विषयहरु सार्वजनिक हुने र नयाँ हार्डवेयर अनावरण हुने आशा गरिरहेका छौं।

आईफोन, आईप्याड, म्याक, एप्पल टिभी, र वेबमा कुनै पनि डिभाइसमार्फत एप्पलको डब्ल्यूडब्ल्यूडी २१ हेर्न सकिनेछ ।

डब्ल्यूडब्ल्यूडीडी २० जस्तै यस पटक पनि कोरोना महामारीकाबिचमा एप्पलले डब्ल्यूडब्ल्यूडीसी २१ सबै अनलाइनमा गर्ने भएको हो यसको अर्थ व्यक्तिगतरुपमा छलफल र सम्बन्ध बढाउन नसकिने भएपनि यसको ठूलो फाइदा भनेको भाग लिन सक्ने व्यक्तिहरूको लागि सीमा तोकिएको छैन। जो कोहीले पनि ‘डब्ल्यूडब्ल्यूडीसी २१’ मा जान सक्नेछन् र २०० भन्दा धेरै डेभलपरहरु सहभागी हुने सत्रहरू जहाँ एप्पल इञ्जिनियरहरू, एप्पल विकासकर्ता फोरमहरू, र वान टू वान डेभलपर ल्याबहरू तयार रहेका छन् ।

यस वर्षको लागि एप्पल इञ्जिनियरहरू र डिजाइनरहरूसँग भेटघाट गर्न र च्याट गर्नका लागि नयाँ डिजिटल लाउन्ज तयार पारिएका छन् साथ साथै डब्ल्यूडब्ल्यूडीसीमा हुने सबै कुरालाई जारी राख्न एप्पल विकासकर्ता एपमा नयाँ “प्याभेलिएन्स” फिचर राखिएको छ ।

यसरी हेर्न सकिने छ लाइभ इभेन्ट:

तपाईँले यो इभेन्ट नेपाली समयअनुसार राती राती १०ः४५ बजेदेखि कुनैपनि डिभाइसमार्फत कम्पनीको विशेष इभेन्ट वेबसाइटमा हेर्न सक्नुहुनेछ ।

त्यसैगरि यो कार्यक्रम एप्पलका डिभाइसहरु आईफोन, आईप्याड, म्याकबुक, एप्पल टिभीबाट एप्पल डेभलपर एपमार्फत हेर्न सक्नुहुनेछ ।

तपाईँसँग भएका कुनैपनि सपोर्ट गर्ने एप्पल टिभी एपमार्फत हेर्न सकिनेछ ।

यस बाहेक तपाईँले सिधै एप्पलको युट्युब च्यानलमार्फत पनि लाइभ हेर्न सक्नुहुनेछ ।

 

TK Viber

प्रकाशित: २४ जेष्ठ २०७८, सोमबार

Loading...