शुक्र ग्रहको अध्ययन गर्न नासाद्धारा दुई ओटा मिशनको घोषणा

नासाले भेनस अर्थात शुक्र ग्रहमा त्यसको वातावरण र भौगोलिक सुविधाहरू परीक्षण गर्न दुई नयाँ अभियानहरू पठाउने घोषणा गरेको छ ।

यी मिसनहरू, जसलाई प्रत्येकलाई ५० करोड डलरको रकम पुरस्कृत गरिएको छ, २०२८ देखि २०३० बीचमा प्रक्षेपण गरिने योजना छ ।

नासाका प्रशासक बिल नेल्सनले मिसनहरूले मानिसहरु नपुगेको ३० बर्ष भन्दा बढि भएको ग्रहको खोजी गर्ने अवसर प्रदान गर्ने बताए ।

सन् १९९० मा यस ग्रहको भ्रमण गर्ने अन्तिम अमेरिकी अनुसन्धान यान ‘म्यागेलान अर्बिटर’ थियो।

यद्यपि, युरोप र जापानबाट अन्य अन्तरिक्ष यानहरूले यस ग्रहको परिक्रमा गर्यो ।

मिशनहरू एक समीक्षा प्रक्रिया पछि लिईयो र उनीहरूको सम्भावित वैज्ञानिक मूल्य र उनीहरूको विकास योजनाहरूको सम्भाव्यतामा आधारित भएर छनौट गरिएको बताईएको छ ।

शुक्र ग्रह हाम्रो सौर्यमण्डलमा सूर्यबाट टाढा रहेको दोस्रो ग्रह हो र यसको सतह ५०० डिग्री सेल्सीयस तापक्रमका साथ निकै तातो रहेको छ जहाँ सीसा पग्लनको लागि पर्याप्त छ ।

पहिलो मिशन डाभिन्सी प्लस (नोबल ग्यास, रसायन विज्ञान, र इमेजिङ्गको गहन वायुमण्डल शुक्र अनुसन्धान) मिशनले यो ग्रहको वातावरणको मापन गर्नेछ जसमा यो कसरी गठन भयो र यसको विकास कसरी भयो भनेर बृहन अनुसन्धान गर्नेछ । यसका साथै यसले भेनसमा कुनै समयमा सागर थियो कि थिएन भनेर ध्यान दिनेछ ।

सो डाभिन्सी प्लसले ग्रहको भूगर्भीय सुविधाहरूको पहिलो उच्च रिजोलुसन इमेजहरू समेत पठाउने अपेक्षा गरिएको छ ।

दोस्रो मिशन, भेरिटास (भेनस एमिसिभिटी, रेडियो विज्ञान, इनसार, टोपोग्राफी, र स्पेक्ट्रोस्कोपी) ले पृथ्वीको सतहसँग तुलना गर्ने गरि शुक्र ग्रहको भूगर्भीय इतिहास बुझ्न र पृथ्वीबाट कसरी यत्तिको फरक विकसित भयो भनेर नक्सांकन गर्नेछ ।