स्टार्टअपहरुलाई साउन १ गतेदेखि नै ऋण रकम उपलब्ध गराउने अर्थ सचिवको भनाई

Technology Khabar १७ जेष्ठ २०७८, सोमबार

स्टार्टअपहरुलाई साउन १ गतेदेखि नै ऋण रकम उपलब्ध गराउने अर्थ सचिवको भनाई
Classic Tech

अर्थ मन्त्रालयका सचिव शिशिर कुमार ढुंगानाले आगामी आर्थिक वर्षको बजेटमा उल्लेख गरिएको स्टार्टअपलाई दिईने सहुलियत ऋणका लागि आगामी आर्थिक वर्षको शुरुवातदेखि नै सहजीकरण गर्ने बताएका छन् ।

आर्थिक पत्रकार समाज नेपाल (सेजन) ले आज आयोजना गरेको बजेटपछिको अन्तरक्रिया कार्यक्रममा बोल्दै उनले आगामी आवको साउन १ देखि नै सहुलियत ऋण प्राप्त गर्नसक्ने गरी आवश्यक व्यवस्था मिलाइने जानकारी दिएका हुन् । उनले यसमा देखिने प्रकृयागत जटिलता र असहजता अन्त्य गर्दै कार्यान्वयनलाई प्रभावकारी बनाईने बताए ।

‘यस पटक साउन १ गतेदेखि नै फण्ड उपलब्ध गराउने योजनाका साथ तयारी थालेका छौं । स्टार्टअप विकास गर्ने योजना अनुसार च्यालेञ्ज फण्ड स्थापनाको परिकल्पना गरिएको हो,’ सचिव ढुंगानाले भने ।

सरकारले बजेटमार्फत स्टार्टअप व्यवसाय विकासका लागि एक अर्ब रुपैयाँको च्यालेन्ज फन्ड स्थापना गरेको छ ।

‘स्टार्टअपलाई सरकारको क्षेत्रबाट मात्र नभएर निजी क्षेत्रबाट समेत सहायता उपलब्ध गराउने कार्यक्रम ल्याएका छौं,’ उनले भने ।

TK Viber

प्रकाशित: १७ जेष्ठ २०७८, सोमबार

Loading...