सञ्चार तथा सूचना प्रविधि क्षेत्रमा सरकारको लक्ष्य, फोरजी एलटीईका प्रयोगकर्ताहरु दोब्बर पार्ने

Technology Khabar १५ जेष्ठ २०७८, शनिबार

सञ्चार तथा सूचना प्रविधि क्षेत्रमा सरकारको लक्ष्य, फोरजी एलटीईका प्रयोगकर्ताहरु दोब्बर पार्ने
Classic Tech

सरकारले आगामी आवको बजेटमार्फत सञ्चार तथा सूचना प्रविधि क्षेत्रको विकास र बिस्तारमा निकै महत्वाकांक्षि लक्ष्य सार्वजनिक गरेको छ । जसअनुसार सरकारले फोरजी एलटीईको बिस्तार दोब्बर भन्दा बढिले बढाउने योजना लिएको छ।

सरकारले आगामी आवको बजेटमार्फत फोरजी एलटीई प्रयोगकर्ताहरुको संख्या आगामी वर्षमा ५० प्रतिशत पुर्याउने लक्ष्य लिएको छ । आज सार्वजनिक गरिएको आगामी वर्ष २०७८।७९ को बजेटमार्फत सरकारले हालको प्रयोगकर्ताहरुको २४ प्रतिशतलाई वृद्धि गर्दै ५० प्रतिशत पुर्याउने लक्ष्य लिएको हो ।

सञ्चार तथा सूचना प्रविधि मन्त्रालयअन्तरगतको बजेटमार्फत सरकारले आगामी वर्ष इन्टरनेट ग्राहकको घनत्व ९२ प्रतिशत पुर्याउने लक्ष्य समेत लिएको छ । हाल यस्तो घनत्व ८५ प्रतिशत रहेकोछ ।

त्यसैगरि मोबाइल टेलिफोनको ग्राहक संख्या प्रति लाखमा ४०० पुर्याउने तयारी रहेको छ यस्तो सख्या हाल ३८९ जना रहेको छ ।मोबाइल ब्रोडब्याण्ड सेवा बिस्तारको लागि भने हालको ६२ प्रतिशतको अवस्थामा सुधार गरेर एकैपटक ७२ प्रतिशत पुर्याउने लक्ष्य निर्धारण गरेकोछ ।

सरकारकाअनुसार आगामी आवमा अप्टिकल फाइबर बिस्तार हालको १ लाख २४ हजार किलोमिटरबाट बढेर १ लाख ९१ हजार ७० किलोमिटर पुग्नेछ भने डिजिटल टेलिभिजनको पहुँच ७२ प्रतिशतबाट एकैपटक ९२ प्रतिशत हुनेछ ।

स्थानीय तहको केन्द्रमा ब्रोडब्याण्ड इन्टरनेटको पहुँच ७५३ स्थानमा हुनेछ भने एफटीटीएच सेवाको बिस्तार हालको १३० शहर तथा स्थानहरुबाट बढाएर १५९ स्थान तथा शहरहरुमा पुर्याउने भएको छ ।

त्यसैगरि सरकारी सेवालाई अनलाइन बनाउने योजनामा पनि दोब्बरको लक्ष्य राखेको छ। हाल सरकारी सेवालाई अनलाइनमार्फत प्रवाह गर्ने २२ किसिमका सेवाहरुको संख्या रहेकोमा आगामी आर्थिक वर्ष त्यसलाई ४२ वटा पुर्याउनेछ ।

TK Viber

प्रकाशित: १५ जेष्ठ २०७८, शनिबार

Loading...