Technology Khabar १५ जेष्ठ २०७८, शनिबार
काठमाडौं ।
चालु आव २०७७। ७८ मा देशभर १० हजार भन्दा बढि स्थानहरुमा क्लोज सर्किट क्यामरा (सिसिक्यामरा)हरु जडान भएका छन् ।
अर्थ मन्त्रालयले शुक्रबार सार्वजनिक गरेको आर्थिक सर्वेक्षणको तथ्यांकअनुसार देशभर कुलब १० हजार ८ सय ५४ सार्वजनिक स्थानहरुमा सिसि क्यामरा जडान भएको छ ।
आधुनिक प्रविधिको प्रयोग गरी अपराध अनुसन्धान, नियन्त्रण र शान्ति सुरक्षा कायम गर्न ती सिसिक्यामराहरु जडान भएको बताईएको छ ।
त्यसैगरी सवारी दुर्घटना न्यूनीकरण तथा सुरक्षित यात्राको लागि ट्राफिक सञ्चार एप्स निर्माण गरी चालु आवको फागुन मसान्तसम्ममा १९ ट्राफिक प्रहरी चेक प्वाइन्ट प्रयोगमा ल्याईएको उल्लेख छ ।
यसका साथै साईबर ब्यूरोले चालु आवको सोहि अवधिसम्ममा ५० वटा विद्युतीय कारोबारसम्बन्धी मुद्धाको अनुसन्धान समेत गरेको सर्वेक्षणमा राखिएको छ ।
प्रकाशित: १५ जेष्ठ २०७८, शनिबार