Technology Khabar १३ जेष्ठ २०७८, बिहीबार
काठमाडौं ।
काठमाडौं उपत्यकाका जिल्ला प्रशासन कार्यालयले बैशाख १४ गतेदेखि एक हप्ताकोकिराना पसलसमेत खोल्न नदिने गरि निषेधाज्ञा लागू गर्ने निर्णय गरेका छन्। यसमा दूध, तरकारीलगायतका लागि खाद्यान्न भने बिहान ९ बजेसम्म पसल खोल्न दिइने बताईएको छ ।
यसैबिचमा सरकारी कम्पनी “खाद्य व्यवस्था तथा व्यापार कम्पनी लिमिटेडले आफ्नो इकमर्श साइटबाट खाद्यान्नहरु अर्डर गर्न सक्ने बताएको छ । कम्पनीले आज सार्वजनिक सूचना जारी गरेर कम्पनीको वेबसाइट https://www.nepalfood.gov.np/ मार्फत अर्डर गरेर खाद्यान्न मगाउन सक्ने जनाएको छ ।
यसको लागि कम्पनीले दाल चामल नुन तेललगायतका खाद्यान्न घरसम्मै डेलिभरी गर्ने जनाएको छ । कम्पनीकाअनुसार काठमाडौंको चक्रपथ भित्र र त्यसको एक किलोमिटरको भित्र मात्र निशुल्करुपमा घरसम्मै सेवा पुर्याउने जनाएको छ ।
कम्पनीले आफ्नो सेवाको बारेमा सम्पर्क गर्न समेत जानकारी गराएको छ ।
कतै खाद्यान्नको अभाव भए नेपाल खाद्य व्यवस्था तथा व्यापार कम्पनी लिमिटेडका साथै साल्ट ट्रेडिङ कर्पोरेशन लिमिटेडको तर्फबाट समेत मोबाइल गाडीमार्फत् खरिद बिक्रीको गराउने प्रशासनले जनाएको छ।
प्रकाशित: १३ जेष्ठ २०७८, बिहीबार