आफ्नो नयाँ सेवाका शर्तहरुको बारेमा प्रयोगकर्ताहरुलाई जानकारी दिँदै युट्युब

Technology Khabar ११ जेष्ठ २०७८, मंगलवार

आफ्नो नयाँ सेवाका शर्तहरुको बारेमा प्रयोगकर्ताहरुलाई जानकारी दिँदै युट्युब
Classic Tech

भिडियो शेयरिङ्ग प्लेटफर्म युट्युबले हालै सबै प्रयोगकर्ताहरुलाई इमेल पठाउँदै आफ्नो नयाँ प्रयोगका शर्तहरु परिवर्तन भएको भन्दै जानकारी दिएको हो । कम्पनीले अमेरिकामा सन् २०२० नोभेम्बरमा सोही प्रयोगका शर्तहरु परिवर्तनहरु लागु गरेको छ ।

कम्पनीले आफ्नो सेवा सुबिधाको शर्त र पारदर्शिताको बारेमा जानकारी दिन ईमेल पठाईरहेकोजानकारी दिएको छ ।

युट्युको यो नयाँ शर्तले प्रयोगकर्ताहरुको सेवा प्रयोग र पहुँचमा कुनै फरक नपर्ने कम्पनीले बताएको छ ।

नयाँ शर्तमा फेसियल रिकोग्निसन, मनीटाइजेसनको अधिकार र रोयल्टी भुक्तानी तथा राजस्व भुक्तानीलगायतका विषयहरुमा नयाँ शर्तहरु रहेका छन् ।

जसअन्तरगत प्रयोगकर्ताहरुको अनुमति बिना उनीहरुको व्यक्तिगत डाटा संकलन गर्न नपाईने, युट्युबलाई भिडियोहरुमा मनीटाइजेसनको अधिकार हुने र युट्युबबाट हुने आम्दानीमा अमेरिकी सरकारलाई निश्चित रकम राजस्व तिर्नुपर्ने प्रावधानहरु रहेकाछन् ।

यस बारेमा युट्युबले धमाधम प्रयोगकर्ताहरुलाई इमेल पठाउँदै जानकारी गराईरहेको छ ।

सो इमेलअनुसार कम्पनीले आउँदो जून १ तारिखदेखि नयाँ शर्तहरु अपडेट र लागू गर्ने उल्लेख गरिएको छ ।
त्यसैगरि युट्युब किड्समा पनि नयाँ टर्महरु लागू हुने कम्पनीले जनाएको छ ।

TK Viber

प्रकाशित: ११ जेष्ठ २०७८, मंगलवार

Loading...