ब्रोडब्याण्ड नेटवर्कको काम १० जिल्लामा सम्पन्न, सर्वसाधारणले समेत सेवा लिनसक्ने

Technology Khabar १० जेष्ठ २०७८, सोमबार

ब्रोडब्याण्ड नेटवर्कको काम १० जिल्लामा सम्पन्न, सर्वसाधारणले समेत सेवा लिनसक्ने
Classic Tech

ग्रामीण दूरसञ्चार विकास कोष (आरटिडिएफ) परिचालन गरेर निर्माण गरिएको ब्रोडब्याण्ड नेटवर्कमध्ये दुईववटा परियोजनाहरु सम्पन्न भएकोे छ ।

नेपाल दूरसञ्चार प्राधिकरणकाअनुसार वर्ल्डलिंक कम्युनिकेसन्स लिमिटेड र टेकमाइण्डस नेटवर्क प्रालिले कोषको रकममार्फत निर्माण गरेको १० जिल्लाका परियोजनाहरु सम्पन्न भएको जानकारी दिएको छ ।

त्यसरी ब्रोडब्याण्ड नेटवर्क परियोजना सम्पन्न हुनेमा कास्की, लमजुङ, पर्वत, स्याङ्जा र तनहुँ एउटा प्याकेजमा छ भने इलाम झापा मोरङ, सुनसरी र उदयपुर अर्को प्याकेजमा रहेकोछ ।

कास्की लगायतका जिल्लाहरुमा वर्ल्डलिंक कम्युनिकेसन्सले ब्रोडब्याण्ड नेटवर्क तयार पारेको छ भने इलाम लगायतका जिल्लाहरुमा टेकमाइण्डसले सम्पन्न गरेको छ ।

परियोजना सम्पन्न भएका जिल्लाहरुका नगरपालिका, गाउँपालिका, सामुदायिक माध्यमिक विद्यालय, वडा कार्यालय, र सामुदायिक स्वास्थ्य संस्था अस्पताललगायतमा सेवा उपलब्ध गराईएको प्राधिकरणले जनाएको छ ।

सो बारेमा कुनै गुनासो भएमा सम्बन्धित सेवा प्रदायकलाई सम्पर्क गर्न समेत सुझाब दिईएको छ भने सेवा प्रदायकबाट गुनासो सम्बोधन नभएको खण्डमा प्राधिकरणमा सिधै सम्पर्क गर्न भनिएको छ ।

त्यसैगरि ति जिल्लाहरुका कुनैपनि कार्यालयहरुमा इन्टरनेट सेवा जडान गर्न छुट भएको भए १५ दिनभित्र प्राधिकरणमा सम्पर्क गर्नका लागि समेत भनिएको छ ।

ग्रामीण दूरसञ्चार विकास कोषको रकम परिचालन गरेर तयार पारिएको ब्रोडब्याण्ड नेटवर्कमार्फत इन्टरनेट सेवा लिँदा सर्वसाधारणले प्राधिकरणबाट स्वीकृत दरमा इन्टरनेट सेवा जडान गर्न सक्ने समेत सो सूचनामा उल्लेख छ ।

TK Viber

प्रकाशित: १० जेष्ठ २०७८, सोमबार

Loading...