सुपरकार निर्माता ल्याम्बोर्गिनीले सन् २०३० अगाडी नै इलेक्ट्रिक कार मात्र उत्पादन गर्ने योजना

Technology Khabar ५ जेष्ठ २०७८, बुधबार

सुपरकार निर्माता ल्याम्बोर्गिनीले सन् २०३० अगाडी नै इलेक्ट्रिक कार मात्र उत्पादन गर्ने योजना
Classic Tech

इटालियन सुपरकार निर्माता ल्याम्बोर्गिनीले मंगलबार यो दशकको उत्तरार्धमा पूर्ण इलेक्ट्रिक कारको सुरुवात गर्ने घोषणा गरेको छ।

पूर्ण इलेक्ट्रिक कार कम्पनीमा रूपान्तरण कार्यक्रम प्रस्तुत गर्दै जर्मन फर्म फक्सवागनको स्वामित्वमा रहेको ल्याम्बोर्गिनीले भावी ल्याम्बोर्गिनी मोडेलहरु र सन्तुअगाटा बोलोग्नेस साइटको कार्बन उत्सर्जन न्यूनिकरणको लागि रोडम्याप पनि ल्याएको छ । इटालीमा रहेको यसको कारखानाको मुख्यालय रहेको छ।

कम्पनीले २०२० दशकको पछिल्लो अर्धदशकमा पूर्ण इलेक्ट्रिक कारहरु सुरू गर्नुभन्दा पहिले आगामी १० वर्षमा हाइब्रिड मोडल उत्पादन गर्न कम्पनीको रुपान्तरण योजना देखिनेछ।

‘ल्याम्बोर्गिनीको विद्युतीकरण योजना एक नयाँ कल्पित कोर्स हो जुन आमूल परिवर्तनशील विश्वको सन्दर्भमा आवश्यक छ, जहाँ हामी ठोस प्रोजेक्टहरू मार्फत वातावरणीय प्रभावलाई घटाउन निरन्तर योगदान पुर्‍याउन चाहन्छौं,’ अटोमोबिली ल्याम्बोर्गिनीका अध्यक्ष तथा मुख्य कार्यकारी अधिकारी स्टेफन विन्केलमानले विज्ञप्तीमा भने।

ल्याम्बोर्गिनीको रोडम्यापमा तीन चरणहरूहरु समावेश छन् । जसमध्ये पहिलो, २०२१ र २०२२ को लागि, कम्पनीले यस वर्ष घोषित हुने भी१२ मोडल लाइनमा दुई नयाँ कारहरूको साथ कम्बस्टन इञ्जिन मोडेलमा केन्द्रित रहेको देख्छ।

दोस्रो चरणमा भने कम्पनीले हाईब्रिड रुपान्तरण गर्ने योजना लिएकोछ जून सन् २०२४ सम्ममा लागू हुनेछ र सन् २०२३ मा कम्पनीले पहिलो हाईब्रिड कार लन्च गर्नेछ ।

त्यसपछि भने तेस्रो चरणमा सन् २०२४ को अन्त्यदेखि पूर्णरुपमा इलेक्ट्रिक कारहरु ल्याउनेछ ।

कम्पनीले आफ्नो योजनाअनुसार आन्तरिकरुपमा सन् २०२५ सम्ममा कार्बनडाइअक्साइड उत्सर्जनलाई ५० प्रतिशत कम गर्ने लक्ष्य लागेको छ । यसको लागि ल्याम्बोर्गिनीले १.५ अर्ब यूरो आगामी ४ वर्षको लागि छुट्याएको छ । एजेन्सीहरु

TK Viber

प्रकाशित: ५ जेष्ठ २०७८, बुधबार

Loading...