लामो समयसम्म कामगर्दा बर्सेनि सात लाख ४५ हजारको मृत्यु, वर्क फ्रम होमले वृद्धि गराउनसक्ने चेतावनी

Technology Khabar ३ जेष्ठ २०७८, सोमबार

लामो समयसम्म कामगर्दा बर्सेनि सात लाख ४५ हजारको मृत्यु, वर्क फ्रम होमले वृद्धि गराउनसक्ने चेतावनी
Classic Tech

निरन्तर लामो समयसम्म काम गर्दा बर्सेनि लाखौं ब्यक्तिको मृत्यु हुने गरेको विश्व स्वास्थ्य सङ्गठन (डब्ल्युएचओ)ले जनाएको छ ।

कामको शिलशिलामा हुने मृत्यु बारे विश्वब्यापी रुपमा पहिलोपटक गरिएको एक अध्ययनले सन् २०१६ मा लामो अवधिसम्म काम गर्नेहरुमध्ये हृदय रोग र घात स्ट्रोकले सात लाख ४५ हजारको निधन भएको देखाएको बीबीसीले उल्लेख गरेको छ ।

सो प्रतिवेदनकाअनुसार दक्षिण पूर्वी एशिया र पश्चिमी प्रशान्त क्षेत्रमा बसोबास गर्ने मानिसहरु लामो समयसम्म काम गर्दा अप्रत्याशित मृत्युको घटनाबाट बढी प्रभावित भएको उल्लेख गरेको छ । विश्व स्वास्थ्य सङ्गठनले कोरोनाभाइरस महामारीले उक्त प्रवृत्ति अझै भयावह हुने बताएको छ ।

अनुसन्धानले साताको ३५ देखि ४० घण्टा काम गर्नेको तुलनामा सातामा ५५ घण्टा वा सो भन्दा बढी समयसम्म काम गर्दा ३५ प्रतिशतभन्दा बढी घातको सम्भावना हुने पत्ता लगाएको छ त्यसैगरि हृदय रोगले मृत्यु हुने सम्भावना १७ प्रतिशतभन्दा बढी हुने देखाएको छ ।

अन्तर्राष्ट्रिय श्रम सङ्गठन (आईएलओ) सँगको सहकार्यमा उक्त अध्ययन गरिएको थियो जुन अध्ययनअनुसार लामो कार्यअविध समयसम्म काम गर्ने क्रममा मृत्यु हुने तीन चौथाई मानिसहरु अधबैंसे वा वृद्ध उमेर समूहका छन् ।

यदपी सो अध्ययनले अहिलेको महामारीको समयलाई समेटेको छैन् तरपनि विश्व स्वास्थ्य सङ्गठनका अधिकारीहरुले भने कोरोना महामारीले कार्यालयबाहिरबाट रिमोट वर्क वा वर्क फ्रम होम रहेर काम गर्ने र आर्थिक बृद्धि दर कम हुँदै जाँदा बढी समयसम्म काम गर्नुपर्ने जोखिम बढेको बताएका छन् ।

विश्व स्वास्थ्य सङ्गठनका प्राविधिक अधिकृत फ्रयाङ्क पेगाले महामारीको क्रममा देशब्यापी लक डाउन हुँदा साप्ताहिक रुपमा गरिने कामको चाप दश प्रतिशतले बढेको बताए ।

प्रतिवेदनमा उल्लेख गरिएअनुसार धेरै घण्टा काम गर्नु भनेको लगभग कामसँग सम्बन्धित रोगको एक तिहाइ भागको लागि जिम्मेवार हुनु भन्ने थियो र यो सबैभन्दा ठूलो व्यावसायिक रोगको बोझ हो।

TK Viber

प्रकाशित: ३ जेष्ठ २०७८, सोमबार

Loading...