एनएमबि बैंकका ग्राहकले अब अनलाईन केवाईसी फाराम भर्न सक्ने

Technology Khabar ३१ बैशाख २०७८, शुक्रबार

एनएमबि बैंकका ग्राहकले अब अनलाईन केवाईसी फाराम भर्न सक्ने

एनएमबि बैंक ग्राहकले अब घरबाटै केवाईसी फाराम भर्न सक्ने भएका छन् । बैंकले नेपालको डिजिटल बैंकिङ्गको वर्तमान अवस्थामा एक सफल प्रयास सृजना गर्न बैंकले अनलाईन केवाईसी अघि सारेको हो । यो सेवाको सुरूवातसँगै ग्राहकले आफ्नो केवाईसी विवरणहरू अनलाईन अपडेट गर्न सक्नेछन् ।

यससँगै ग्राहकले एनएमबि डिजिटल प्लेटफर्महरू (ओम्निच्यानल र सामाजिक सञ्जाल) मार्फत अनलाइन नयाँ खाता खोल्ने, खाता खोलिसकेका ग्राहकले पनि सजिलै यस डिजिटल सेवा प्रयोग गरेर आफ्नो केवाईसी विवरणहरू पूरा अपडेट गर्न सक्दछन् ।

यस नयाँ प्रणालीको साथ, अनलाइन खाताहरू खोल्ने क्रममा ग्राहकले एकपटक आफ्नो व्यक्तिगत पहिचान प्रमाणीकरण गर्न कुनै शाखा रोज्नु पर्नेछ, खाता सक्रिय गर्नका लागि हस्ताक्षर बाहेक कुनै पनि फारम भर्नु पर्ने छैन् ।

‘हालको परिवेशमा पनि यस प्रकारको सेवाले हाम्रा ग्राहकहरूको लागि घरमै बसी बैंकिङ्ग कारोवार सहज बनाउनुको साथै सबै प्रकारको म्यानुअल कामलाई निर्मुल पार्दै पारदर्शिता, त्रुटिरहित र कागज विहीन बैंकिङ्ग प्रदान गर्दछ जुन बैंकको ग्लोबल एलायन्स फर भ्यालु बेस्ड बैंकिङ्गका सदस्यको नाताले वातावरण मैत्री बैंकिङ्ग प्रति प्रतिबद्धता परिपुर्ति गर्नु रहेको छ,’ बैंकले उल्लेख गरेको छ ।

TK Viber

प्रकाशित: ३१ बैशाख २०७८, शुक्रबार

Loading...