सूचना प्रविधि तथा सञ्चार क्षेत्रमा कर्णाली प्रदेश सबैभन्दा कमजोर, बागमती प्रदेश अग्रस्थानमा

Technology Khabar ३१ बैशाख २०७८, शुक्रबार

सूचना प्रविधि तथा सञ्चार क्षेत्रमा कर्णाली प्रदेश सबैभन्दा कमजोर, बागमती प्रदेश अग्रस्थानमा

सूचना प्रविधि तथा सञ्चारको क्षेत्रमा कर्णाली प्रदेश सबैभन्दा पिछडिएको देखिएको छ जहाँ वृद्धिदर तथा योगदान सबैभन्दा कम रहने अनुमान गरिएको छ । हालै केन्द्रिय तथ्यांक विभागले सार्वजनिक गरेको प्रादेशिक कुल ग्राहस्र्थ उत्पादन सम्बन्धि तथ्यांकअनुसार सूचना प्रविधि तथा सञ्चारको सबै सूचकमा कर्णाली प्रदेश पछाडि रहेको देखिएको छ ।

विभागले आज कुल ग्राहर्स्थ्य उत्पादन, वार्षिक मूल्य अभिवृद्धिलगायतका विषयहरु समेटेर प्रादेशिक तथ्यांक सार्वजनिक गरेको छ । जसअनुसार सूचना प्रविधि तथा सञ्चार क्षेत्रका सबै सूचकहरुमा कर्णाली प्रदेश पछिल्लो स्थानमा रहेको छ । कर्णाली प्रदेश सूदूरपश्चि प्रदेशभन्दा पनि पछाडि रहेको तथ्यांकमा देखिएको छ ।

तथ्यांकअनुसार सूचना तथा सञ्चार प्रविधिको क्षेत्रमा बागमती प्रदेश अग्रस्थानमा रहेको देखिन्छ भने त्यसपछि प्रदेश नम्बर २ र प्रदेश नम्बर १ क्रमशःरहेका छन् । त्यसपछि भने लुम्बिनी प्रदेशको स्थान देखिन्छ। लुम्बिनी प्रदेश र प्रदेश नम्बर १ मा सूचना प्रविधि र सञ्चार उद्योगको गतिबिधिमा झिनो अन्तर रहेको छ । यसपछि भने गण्डकी, सूदूरपश्चिम र अन्तिममा कर्णालीप्रदेश रहेको देखिन्छ ।

विभागकाअनुसार चालु आर्थिक वर्ष २०७७।७८ मा सूचना प्रविधि तथा सञ्चार क्षेत्रले बागमती प्रदेशमा २५ अर्ब ३० करोडको मूल्य वृद्धि गर्ने अनुमान गरिएको छ ।

त्यसैगरि प्रदेश नम्बर २ मा १३ अर्ब ७३ करोड ८० लाख रुपैयाँ बराबरको मूल्य वृद्धि गर्ने प्रक्षेपण गरिएको छ ।

प्रदेश नम्बर १ मा १२ अर्ब ३९ करोड २० लाख रुपैयाँ बराबरको वार्षिक मूल्य वृद्धि गर्ने अनुमान छ । लुम्बिनी प्रदेशमा सूचना प्रविधि तथा सञ्चार उद्योगले १२ अर्ब ७१ करोड ७० लाख रुपैयाँ बराबरको वार्षिक वृद्धि हुने अपेक्षा गरिएको छ ।

सबैभन्दा अन्तिममा रहेको कर्णाली प्रदेशमा सूचना प्रविधि तथा सञ्चार क्षेत्रको वृद्धिदर २ अर्ब ३० करोड ४० लाख रहने अनुमान छ भने सूदूरपश्चिम प्रदेशमा यस्तो वृद्धिदर ४ अर्ब ३६ करोड रुपैयाँ बराबर हुने विभागको प्रक्षेपण रहेको छ ।

कुल ग्राहस्र्थ उत्पादन

कुल ग्राहस्र्थ उत्पादनको आधारमा हेर्दा पनि कर्णाली प्रदेशको दर सबैभन्दा कमजोर रहेको छ । जहाँ चालु आवमा सबैभन्दा कम दर रहेको छ । कर्णाली प्रदेशमा वार्षिक कुल ग्राहस्र्थ उत्पादन दर २.८ प्रतिशत मात्र रहेको छ । त्यसैगरि सूदूरपश्चिम प्रदेशमा यस्तो दर ५.७ प्रतिशत रहेको छ ।

सूचना प्रविधि तथा सञ्चारको योगदान सबैभन्दा धेरै बागमती प्रदेशमा देखिएको छ। जहाँ यस्तो दर ३१.२ प्रतिशत रहेको छ भने प्रदेश नम्बर २ मा १७.२ प्रतिशत छ । प्रदेश नम्बर १ मा कुल ग्राहस्र्थ उत्पादन दर १६.७ प्रतिशत रहेको छ ।

त्यसैगरि लुम्बिनी प्रदेशमा १५.७ प्रतिशत तथा गण्डकी प्रदेशमा १०.९ प्रतिशत रहेकोछ ।

TK Viber

प्रकाशित: ३१ बैशाख २०७८, शुक्रबार

Loading...