मस्कले बिटक्वाइनमा टेस्ला कार नबेच्ने भनेसँगै क्रिप्टो बजारले ३६५.८५ अर्ब डलर गुमायो

Technology Khabar ३० बैशाख २०७८, बिहीबार

मस्कले बिटक्वाइनमा टेस्ला कार नबेच्ने भनेसँगै क्रिप्टो बजारले ३६५.८५ अर्ब डलर गुमायो
Classic Tech

टेस्लाका सीईओ इलन मस्कले हालै ट्वीट गरेर इलेक्ट्रिक गाडी निर्माताले बिटक्वाइनमार्फत कार खरीद गर्न दिने सुबिधालाई निलम्बन गरेको घोषणापछि अरबौं डलर क्रिप्टोकरेन्सीको बजार गुमेको छ ।

जतिबेला मस्कले घोषणा गरे त्यसबेला क्वाइनमार्केटक्याप डटकमको डाटाअनुसार सम्पूर्ण क्रिप्टोकरेन्सीहरुको बजार मूल्य २० खर्ब ४३ अर्ब डलर रहेको थियो । तर घोषणाको करिब ३ घण्टा भित्रै बजार पूँजीकरण झन्डै २० खर्ब ५ अर्ब डलरमा झरेको थियो । जसले गर्दा कारोबारीहरुले बजारबाट ३६५.८५ अर्ब डलर गुमाएका थिए ।

तर पछि बजारले केही घाटालाई नियन्त्रण गरिसकेको थियो ।

मस्कको घोषणासँगै बिटक्वाइनको मूल्य लगभग १२% तल झरेर ४९६२४ अमेरिकी डलरमा पुगेको थियो । क्वाइनमार्केटक्याप डटकमका अनुसार यो मूल्य गएको अप्रिल २४ पछि पहिलो पटक ५० हजार डलर भन्दा तल झरेको हो ।

त्यसैगरि अन्य क्रिप्टोकरेन्सीहरुको मूल्य पनि तिब्ररुपमा झरेको थियो ।

यो पनि हेर्नुस्-

मूल्य घट्दै गएकाले अब टेस्ला किन्दा बिटक्वाइनमार्फत् भुक्तानी नलिने मस्कको घोषणा

TK Viber

प्रकाशित: ३० बैशाख २०७८, बिहीबार

Loading...