एफएनसीसीआईको कोभिड परामर्श सेवा, भाईबरबाटै संक्रमितले डाक्टरसँग सल्लाह लिन सकिने

Technology Khabar २५ बैशाख २०७८, शनिबार

एफएनसीसीआईको कोभिड परामर्श सेवा, भाईबरबाटै संक्रमितले डाक्टरसँग सल्लाह लिन सकिने
Classic Tech

नेपाल उद्योग बाणिज्य महासंघले घरबाटै डाक्टरलाई फोन गरेर कोभिड-१९ रोगबाट सुरक्षित हुने बारे जानकारी दिने सेवा शुरु गरेको छ ।

निजी क्षेत्रको छाता संगठन एफएनसीसीआईले एफएनसीसीआई अपरेशन कोभिड रिलिफ नेपाल अभियानअन्तरगत आजदेखि हेल्लोडाक्टरएफएनसीसीआई सेवा शुरु गरेको हो ।

सो सेवा लिनका लागि कोभिड संक्रमितहरु जो घरमै आइसोलेसनमा बसेका छन उनीहरुले सिधै चिकित्सकको सल्लाह लिन पाउनेछन् ।  कोभिड संक्रमण भएका व्यक्तिहरुले भाईबरमार्फत डाक्टर अन कल सेवा लिन सक्नेछन् ।

यसको लागि भाईबरमा २११११२११११ मा म्यासेज पठाइर भाईबरमार्फत भिडियो कल गरि स्वास्थ्य परामर्श लिनसक्नेछन् । यो सेवा देशभर निशुल्क उपलब्ध गराईएको एफएनसीसीआईले जनाएको छ ।

प्रारम्भमा ५ जना डाक्टरहरूबाट परामर्शको कार्य थालनी गरिने र त्यसका लागि विहान ९ बजे देखि १२ बजेसम्म र दिउसो ३ बजेदेखि ६ बजेसम्मका लागि समय छुट्टयाइएको छ ।

एफएनसीसीआईकाअनुसार नाम दर्ता गर्न विरामीले २११११२११११ भाइवर नम्वरमा म्यासेज गर्नुपर्नेछ र सोही म्यासेजका आधारमा डाक्टरसंगको परामर्शको समय विरामीलाई पठाइने छ । तत्पश्चात डाक्टरहरूले भिडियो कल मार्फत विरामीहरूसंग संवाद गरी स्वास्थ्य परामर्श दिने छन् ।

म्यासेजमा विरामीले आफ्नो नाम, उमेर र ठेगाना खुलाउनु पर्नेछ । यो सेवा निःशुल्क हुने छ भने देशैभरका सबै संक्रमितहरूले यो सेवा लिन सक्ने छन् ।

रोग संक्रमितहरूलाई प्रविधिको प्रयोग मार्फत डाक्टरहरूसंग प्रत्यक्ष भेट गराई उनीहरूलाई स्वास्थ्य परामर्श दिने र आपतकालिन अवस्थामा बाहेक अस्पतालसम्म जान नपर्ने वातावरण बनाई दिने उद्देश्य अनुरुप यो कार्यक्रमको थालनी गरिएको हो । यसबाट कोभिड संक्रमण नियन्त्रणमा समेत सहयोग पुग्ने विश्वास महासंघको छ ।

हेल्लो डाक्टर मार्फत सिधै डाक्टरसंग परामर्श गर्न पाइने हुँदा कोभिड संक्रमित विरामीमा देखिने चिन्तालाई कमी गर्न र विरामीको आत्मबल बढाउन सहयोग पुग्ने दावी महासंघका अध्यक्ष शेखर गोल्छाको छ । महासंघले थालनी गरेको यो स्वास्थ्य अभियानबाट बढी भन्दा बढी लाभ उठाउन अध्यक्ष गोल्छाले सबैमा अनुरोध गरेका छन् । आम सर्वसाधारणको दैनिक जीवनलाई सहज बनाउने कार्यमा महासंघले अग्रभागमा रहेर सक्दो सहयोग गर्ने प्रतिवद्धता समेत अध्यक्ष गोल्छाले जनाए ।

TK Viber

प्रकाशित: २५ बैशाख २०७८, शनिबार

Loading...