प्राधिकरणका परियोजनाहरुको भौतिक प्रगति ६० प्रतिशत, पूँजीगत खर्च तर्फ ३० प्रतिशत

Technology Khabar २२ बैशाख २०७८, बुधबार

प्राधिकरणका परियोजनाहरुको भौतिक प्रगति ६० प्रतिशत, पूँजीगत खर्च तर्फ ३० प्रतिशत
Classic Tech

नेपाल दूरसञ्चार प्राधिकरणको दोस्रो चौमासिकमा भौतिक प्रगति ६० प्रतिशत हासिल गरेको जनाएको छ । प्राधिकरणको बोर्ड बैठकमा दोस्रो चौमासिकको हालै गरिएको समिक्षाअनुसार भौतिक प्रगति ६० प्रतिशत देखिएको छ भने पूँजीगत खर्चतर्फ ३० प्रतिशत हाराहारी प्रगति हासिल भएको छ ।

प्राधिकरणकाअनुसार ग्रामिण दूरसञ्चार विकास कोषको रकम खर्च गरेर सञ्चालमा रहेका विभिन्न परियोजनाहरुको प्रगति करिब २७ प्रतिशत हाराहारी देखिएको छ भने प्राधिकरणको आफ्नै कोषबाट परिचालिन विभिन्न परियोजनाहरुको प्रगति करिब ४० प्रतिशत पुगेको छ ।

दोस्रो चौमासिकको समिक्षा बैठकमा प्राधिकरणको नेतृत्वमा सञ्चालन भईरहेका विभिन्न परियोजनाहरु र कार्यहरुको प्रगति सन्तोषजनक देखिएको प्राधिकरणका अध्यक्ष पुरुषोत्तम खनालले जानकारी दिए ।

‘गत वर्षको कोभिडपछिको अवस्थामा पनि हामीले उल्लेख्य काम गरेका छौं । हालको कोभिड संक्रमण र निषेधाज्ञाले आगामी दिनमा भने काम गर्न र प्रगतिमा चुनौती थपिने देखिएको छ,’ अध्यक्ष खनालले भने ।

उनकाअनुसार दोस्रो चौमासिकपछि पनि करिब २ महिना सकिन लागेको हुँदा प्राधिकरणका कार्यहरुमा सुधार देखिईरहेको र प्रमुख परियोजनाहरुको प्रगति पनि सन्तोषजनक नै देखिएको छ ।

प्राधिकरणले हाल आफ्नो बजेटमार्फत र ग्रामिण दूरसञ्चार विकास कोषको रकम खर्च गरेर देशभर अप्टिकल फाइबर नेटवर्क बिछ्याउने कार्य, स्थानीय निकाय र विद्यालय, स्वास्थ्य चौकीहरुमा ब्रोडब्याण्ड इन्टरनेट सेवा पुर्याउने कार्य, देशभरका सामुदायिक र सरकारी विद्यालयहरुमा सूचना प्रविधि ल्याब स्थापनाको कार्यलगायतका परियोजनाहरु सञ्चालन गरिरहेको छ । यसका साथै विभिन्न नीति नियमहरु बनाउने र संसोधन गर्ने लगायतका योजनाहरुमा समेत काम गरिरहेको छ ।

प्राधिकरणका अनुसार विभिन्न परियोजनाहरुको छुट्टाछुट्टै बिस्तृत प्रगति बिबरण आउन भने अझै केहि दिन लाग्नेछ ।

TK Viber

प्रकाशित: २२ बैशाख २०७८, बुधबार

Loading...