गरिब परिवारलाई पनि प्रविधिको पहुँचमा ल्याउनुपर्ने एफएनसीसीआई अध्यक्ष गोल्छाको भनाई

Technology Khabar १९ बैशाख २०७८, आईतवार

गरिब परिवारलाई पनि प्रविधिको पहुँचमा ल्याउनुपर्ने एफएनसीसीआई अध्यक्ष गोल्छाको भनाई
Classic Tech

नेपाल उद्योग बाणिज्य महासंघ (एफएनसीसीआई)का अध्यक्ष शेखर गोल्छाले आगामी दिनमा न्यून आय भएका र गरिब घर परिवारलाई पनि प्रविधिको पहुँचमा ल्याउनुपर्ने बताएका छन् ।

राष्ट्रिय सूचना तथा सञ्चार प्रविधि दिवसको अवसरमा बोल्दै उनले निजी संघसंस्थाहरुले सामाजिक सेवा बापत छुट्याउनुपर्ने १ प्रतिशत रकमलाई शिक्षा र स्वास्थ्यकालागि प्रविधिको विकास र बिस्तारमा खर्च गर्न सकिनेमा सरकारको ध्यानाकर्षण गराएका थिए।

उनले निजी क्षेत्रले प्रविधिलाई निकै महत्व दिएको भन्दै एफएनसीसीआईद्धारा हालै सार्वजनिक गरिएको भिजन पेपरमा सूचना प्रविधि बारे १४ वटा योजना राखिएको बताए ।

‘यसमध्ये आधा तत्काल सम्बोधन गर्न सकिने छ भने प्रविधिको विकास मात्र नभई बिस्तार पनि गर्नुपर्ने देखिन्छ । नत्र प्रविधिको प्रयोगले असामताना बढाउनसक्छ,’ उनले भने ।

अध्यक्ष गोल्छाले गरिब परिवार र न्यून आय भएका बालबालिकालाई पनि कम्प्युटरको सुबिधामा पहुँच दिनुपर्ने भन्दै नत्र यसले असमानता ल्याउन सक्ने अवस्था देखिएकोमा सबैलाई सचेत गराएका थिए ।

प्रविधिले औद्योगिक लागत समेत कम गरेको तर स्वदेशी उद्योगहरुमा प्रविधिको प्रयोग अझै पछाडी रहेको भन्दै त्यसको लाभ लिन नसकेको उनले चिन्ता व्यक्त गरेका थिए ।

त्यसैगरि अध्यक्ष गोल्छाले प्रविधिको क्षेत्रमा रहेका उद्योगी व्यवसायीहरुलाई पनि गुणस्तरीय वस्तु र सेवा मात्र उपलब्ध गराउन आग्रह गरेका छन् ।

‘नत्र ग्राहकहरुले समेत त्यस्ता सामानहरु अस्वीकार गर्ने र सरकारले पनि भविश्यमा कडा कानून ल्याउन बाध्य हुनसक्ने छ । त्यसैले सबैले गुणस्तरमा ध्यान दिन आग्रह गर्दछु, गोल्छाले भने ।

TK Viber

प्रकाशित: १९ बैशाख २०७८, आईतवार

Loading...