कोभिड-१९ महामारीका बिच तपाईँलाई कुनै समस्या भयो, यी फोन नम्बरबाट गुनासो गर्नुस्

Technology Khabar १६ बैशाख २०७८, बिहीबार

कोभिड-१९ महामारीका बिच तपाईँलाई कुनै समस्या भयो, यी फोन नम्बरबाट गुनासो गर्नुस्
NTC_Advt

कोभिड-१९ सङ्कट व्यवस्थापन केन्द्र (सिसीएमसी) ले सङ्क्रमण र बन्दाबन्दीमा जनताका गुनासा सम्बोधन गर्नका लागि संयन्त्र गठन गरेको छ।

सिसीएमसीका निर्देशक उपप्रधानमन्त्री ईश्वर पोखरेले आज निर्देशन दिएपछि जनताका गुनासा, उजुरी तथा सुझावको तत्काल कार्यान्वयन गर्नका लागि संयन्त्र गठन गरिएको उनका प्रेस सल्लाहकार गणेश पाण्डेले जानकारी दिए।

स्वास्थ्यकर्मी तथा तत्काल उपचारको व्यवस्था, एम्वुलेन्स, अक्सिजन तथा शव व्यवस्थापनमा तत्काल सहयोग प्राप्त गर्ने भएको छ । प्राप्त गुनासा, उजुरी तथा सुझावको तत्काल कार्यान्वयन गर्ने गरी कोभिड १९ समस्या व्यवस्थापन केन्द्र (सीसीएमसी) ले संयन्त्र निर्माण गरेर काम अघि बडाएको पाण्डेले बताए ।

उनका अनुसार जनताका गुनासा टोल फ्री नं ११४० मा फोन गरे २४ घण्टाभित्र समस्याको समाधान हुने गरी संयन्त्र गठन गरिएको छ । यस्तै शव व्यवस्थापनका लागि १०५ र एम्बुलेन्सका लागि १०२ मा सम्पर्क राख्न हुन सिसीएमसीले अनुरोध गरेको छ ।

यसैगरी विदेश जाने र विदेशबाट आउनेले सिसीएमसीको वेबसाइटमा रहेको फारम भर्न अनुरोध गरिएको छ । यसरी सङ्क्रमण र बन्दाबन्दीमा परेका व्यक्तिलाई सहज बनाउनका लागि संयन्त्र गठन गरिएको हो । कोरोना भाइरस सङ्क्रमणको दर उच्च भएपछि सरकारले आजदेखि उपत्यकामा वैशाख मसान्तसम्म बन्दाबन्दीको घोषणा गरेको छ ।

प्रकाशित: १६ बैशाख २०७८, बिहीबार