टिकटकलाई बेलायतमा कानूनी चुनौती

Technology Khabar ११ बैशाख २०७८, शनिबार

टिकटकलाई बेलायतमा कानूनी चुनौती
Classic Tech

शर्ट भिडियो शेयरिङ एप टिकटकलाई डाटा दूरुपयोग गरेको आरोपमा बेलायतमा कानूनी चुनौती सामना गर्नुपर्ने भएको छ ।

बालबालिकाहरुको डाटा संकलन र प्रयोग कम्पनीले कसरी गर्छ भन्ने विषयमा बेलायतकी पूर्व बाल आयोगकी आयुक्त एनी लङ्गफिल्डले टिकटकमाथि मुद्दा दायर गर्दैछिन् । मुद्दा बेलायत र यूरोपेली संघका करोडौं बालबालिकाहरुको तर्फबाट दायर गर्न लागिएको हो ।

मुद्दाको पक्षमा फैसला भएको खण्डमा प्रभावित बालबालिकाहरुले हजारौं डलर क्षतिपूर्ति पाउनेछन् । यो मुद्दाको विरुद्धमा लड्ने टिकटकले बताएको छ ।

टिकटकले बालबालिकाहरुको फोन नम्बर, भिडियो, लोकेशन र बायोमेट्रिक डाटासहित व्यक्तिगत सूचना लिने गरेको आरोप छ ।

उता कम्पनीले भने गोपनियता र सुरक्षा आफ्नो शीर्ष प्राथमिकता भएको र सबै प्रयोगकर्ता विशेषगरी किशोरकिशोरीलाई सुरक्षित राख्न मद्दत गर्न आफूहरुले बलियो नीति, प्रक्रिया र प्रविधि कार्यान्वयन गरेको कम्पनीको भनाइ छ । एजेन्सी

TK Viber

प्रकाशित: ११ बैशाख २०७८, शनिबार

Loading...