Technology Khabar २१ चैत्र २०७७, शनिबार
काठमाडौं ।
यातायात व्यवस्था विभागले लाइसेन्सको ट्रायल पास गर्नेबित्तिकै स्मार्ट लाइसेन्स नदिने भएको छ। स्मार्ट लाइसेन्स ट्रायल पास गरेको एक वर्षपछि मात्र उपलब्ध गराइने र एक वर्षका लागि भने क्यूआर कोडसहितको छुट्टै लाइसेन्स दिइने विभागले जनाएको छ।
एक वर्षे परीक्षणकाल लागि क्यूआर कोडसहितको कार्डको व्यवस्था गरिने र त्यसबारेमा आन्तरिक गृहकार्य भइरहेको विभागका सूचना अधिकारी डा लोकनाथ भुषालले जानकारी दिए।
स्मार्ट लाइसेन्स छपाइमा लामो समय लागेको र ट्रायल पास गरेको रसिदको दुरुपयोग बढ्न थालेकाले विभागले १ वर्षका लागि विशेष किसिमको कार्ड उपलब्ध गराउन लागेको बुझिएको छ।
प्रकाशित: २१ चैत्र २०७७, शनिबार
