ह्वावेले ल्यायो २३.८ इन्चको डेस्कटप मनिटर

Technology Khabar २० चैत्र २०७७, शुक्रबार

ह्वावेले ल्यायो २३.८ इन्चको डेस्कटप मनिटर
Classic Tech

चिनियाँ टेक जायन्ट ह्वावेले २३.८ इन्चको आईपीएस डेस्कटप मनिटर सार्वजनिक गरेको छ।

यसको रेजोल्युशन १९२०x१०८० पिक्सेल रहेको छ भने १७८ डिग्री भ्यूइङ एङ्गल रहेको छ। यसको अर्को मुख्य आकर्षण भनेको यसलाई आवश्यकता अनुसार ५ डिग्री तलतिर वा २२ डिग्री माथिसम्म ढल्काउन सकिन्छ।

यसमा पावरका लागि डीसी इनपुट दिइएको छ भने आउटपुटका लागि एचडीएमआई र भीजीए पोर्ट दिइएको छ। यसबाहेक मनिटर रहेको बक्समा डेढ मिटर लम्बाइ भएको एचडीएमआई केबल राखिएको छ।

यसको लम्बाइ, चैडाइ र उचाई ५३८.५ मिलिमिटर, ४२५ मिलिमिटर र १७० मिलिमिटर रहेको छ भने यसको समग्र तैल ४.०५ किलो रहेको छ। यो कालो रंगमा मात्र उपलब्ध छ।

यो मनिटर बेलायतमा आगामी अप्रिल १४ तारिखदेखि बिक्रीमा राखिने बताइएको छ भने यसको प्रारम्भिक मूल्य १५० पाउन्ड तोकिएको छ। कम्पनीले १ देखि १३ तारिखका बीच अर्डर गरेमा ३० पाउन्ड छुट दिनुका साथै एउटा ह्वावे मेटडक२ नि:शुल्क दिने अफर पनि राखेको छ।

यो मनिटर यूरोपका केही मुख्य बजारहरु तथा मलेसिया, थाइल्याण्ड र फिलिपिन्समा पनि उपलब्ध हुने र ती स्थानका लागि भने १५९ पाउन्ड मूल्य रहने कम्पनीले जनाएको छ।

TK Viber

प्रकाशित: २० चैत्र २०७७, शुक्रबार

Loading...