वैदेशिक रोजगारमा पठाईदिने भनि सामाजिक संजालमार्फत ठगी गर्ने पक्राउ

Technology Khabar १७ चैत्र २०७७, मंगलवार

वैदेशिक रोजगारमा पठाईदिने भनि सामाजिक संजालमार्फत ठगी गर्ने पक्राउ
Classic Tech

वैदेशिक रोजगारमा पठाईदिने भनि सामाजिक सञ्जालको माध्यम प्रयोग गरेर ठग्ने एक जनालाई प्रहरीले पक्राउ गरेको छ । पक्राउ पर्नेमा दाङको लमही घर भएका सरोज अधिकारी भन्ने शिशिर बस्नेत छन् ।

महानगरीय प्रहरी परिसर ललितपुरबाट खटिएको टोलीले उनलाई पक्राउ गरेको हो । ललितपुरको कुमारीपाटीमा ‘हाई सक्सेस म्यानेजमेन्ट ग्रुप प्रालि’ नामको कम्पनी खोलेर शिशिर बस्नेत, सुमित कुमार एपाध्याय र धादिङका समिर तामाङ समेतको समूहले विदेश पठाउने भन्दै मानिसहरुलाई ठग्ने गरेका थिए ।

उनीहरुले फेसबुक लगायतबाट सिंगापुर, पोर्चुगल र हंगेरी पठाउने आशा देखाउने र ५ हजार रुपैयाँ शुल्क लिएर फर्म भर्न लगाउनेगरेका थिए ।

महानगरीय प्रहरी परिसर ललितपुरका अनुसार बस्नेतको समूहले ७२ लाख ३२ हजार ठगी गरेको प्रहरीको प्रारम्भिक अनुसन्धानबाट थाहा भएको छ । उनीविरुद्ध ठगी मुद्दामा म्याद लिएर अनुसन्धान भइरहेको छ भने ठगीमा संलग्न अन्य आरोपीहरु फरार रहेको प्रहरीले जनाएको छ।

TK Viber

प्रकाशित: १७ चैत्र २०७७, मंगलवार

Loading...