गुगल अर्थको एन्ड्रोइड संस्करणमा ‘टाइम मेशीन’ सुविधा आउँदै, पृथ्वीको पुरानो तस्वीर हेर्न सकिने

काठमाडौं ।

जब गुगल अर्थ २००१ मा शुरू गरिएको थियो, त्यसबेला यो प्रयोगकर्ताहरूको लागि कुनै चमत्कारबाट कम थिएन। प्रयोगकर्ताहरू केवल आफ्नो घर वा वरपरका क्षेत्रहरूको स्याटेलाइट इमेजहरू हेर्नको लागि समय खेर फालिरहेका थिए।

यदि तपाईं गुगल अर्थ डेस्कटप संस्करण प्रयोग गर्दै हुनुहुन्छ भने (यहाँ हामी समर्पित डेस्कटप प्रोग्रामको बारेमा कुरा गर्दैछौं) जसलाई गुगल अर्थ प्रो भनिन्छ, तपाईंलाई थाहा हुनेछ कि त्यहाँ थुप्रै सुविधाहरू उपलब्ध छन्। यी सुविधाहरू गुगल अर्थको मोबाइल वा वेब संस्करणमा अझै उपलब्ध छैनन्।

गुगल अर्थको दुबै वेब र मोबाइलमा टाइम मेशीन सुविधाको अभाव छ।

यसले तपाईंलाई पुरानो बितेको समयमा फिर्ता जान र विगतको पुरानो स्याटेलाइट चित्रहरू हेर्न अनुमति दिन्छ।

हालैको एक्सडीएको रिपोर्ट अनुसार, यो सुविधा चाँडै नै गुगल अर्थको एन्ड्रोइड संस्करणमा आउन सक्दछ।

रिपोर्टले यो फिचर गुगल अर्थ एप भित्र उपलब्ध रहेको बताएको छ। गुगल अर्थ टाइम मेसिन सुविधा एक ‘प्रयोगात्मक सुविधा’ को रूपमा उपलब्ध छ।

तर यसको मतलब यो कुनै सजिलो तरीकाले भने हेर्न सकिने छैन। जो कोहीलाई पनि यो सुविधा पहुँच वा प्रयास नहुन सक्दछ।

जहाँसम्म तपाई यस गुगल अर्थ टाइम मेसिन सुविधा प्रयोग गर्न साँच्चिकै इच्छुक हुनुहुन्छ भने तपाईंले रुट फोन प्रयोग गर्नुपर्छ। यस बाहेक, तपाईँले आफ्नो एप प्राथमिकता रुट एक्सप्लोरर वा कुनै अन्य टर्मिनल कमान्ड मार्फत म्यानुअली परिवर्तन गर्नुपर्नेछ।

समय मेशीन सुविधाको बारेमा कुरा गर्दा, यसमा  १९३० ४० को दशकको पुरानो तस्वीर देख्न सकिन्छ, जुन सान फ्रान्सिस्कोको हो।

यस बाहेक त्यहाँ एक विशेषरुपबाट ‘टाइम ल्याप्स’ को सुविधा पनि छ जसले तपाईंलाई पुरानो इमेजहरू हेर्न मद्दत गर्दछ जुन गुगल सर्भरको भण्डारमा उपलब्ध छन्।

यो रिपोर्टमा यो पनि भनिएको छ कि अमेरिका बाहिरका ठाउँहरू हेर्न गाह्रो हुन सक्छ किनकि त्यहाँ केहि स्थानहरूको लागि विस्तृत स्याटेलाइट इमेजरीको अभाव छ। र यो सुविधा एक एप फ्ल्यागको रूपमा उपलब्ध भएको हुँदा यो चाँडै नै एन्ड्रोइड एपको स्टेबल संस्करणको लागि आउन सक्छ। एजेन्सीहरुका साथ