मोबाइल वालेटबाट हुने कारोबार संख्या एक करोड नाघ्यो

Technology Khabar ३ चैत्र २०७७, मंगलवार

मोबाइल वालेटबाट हुने कारोबार संख्या एक करोड नाघ्यो
Classic Tech

नेपालमा मोबाइल वालेट मार्फत् कारोबार गर्नेको संख्या दिन प्रतिदिन बढ्दै गइरहेको छ।

नेपाल राष्ट्र बैंकले प्रकाशित गरेको प्रतिवेदनअनुसार गएको फागुन महिनामा मात्र मोबाइल वालेटमार्फत गरिएको कारोबार संख्या १ करोड ५ लाख १६ हजार ५९९ पुगेको छ।

यो संख्या एक महिना अघि अर्थात्  माघ महिनाको तुलनामा कुल कारोबारभन्दा ६ लाख २६ हजार ७८ ले बढी हो।

स्मार्टफोनको उल्लेख्य प्रयोग तथा मानिसहरुले विद्युतीय कारोबारलाई दिन प्रतिदिन आत्मसात् गर्दै जान थालेपछि यस्ता कारोबार संख्या र कारोबार रकम बढ्न थालेका हुन्।

फागुन महिनाभरी गरिएको कारोबार संख्या बढेसँगै कारोबार रकममा पनि बढोत्तरी भएको छ।

माघ महिनामा मोबाइल वालेटमार्फत् ९ अर्ब ६५ करोड ६० लाख रुपैयाँको कारोबार भएकोमा फागुनमा यो रकम बढेर ९ अर्ब ९४ करोड ८० लाख रुपैयाँ पुगेको छ। यो रकम माघ महिनाको भन्दा २९ करोड २० लाख रुपैयाँले बढी हो।

TK Viber

प्रकाशित: ३ चैत्र २०७७, मंगलवार

Loading...