अष्ट्रेलियाका सार्वजनिक सेवा एजेन्सीहरुमा सूचना प्रविधि कर्मचारीहरुको अभाव

Technology Khabar २७ फाल्गुन २०७७, बिहीबार

अष्ट्रेलियाका सार्वजनिक सेवा एजेन्सीहरुमा सूचना प्रविधि कर्मचारीहरुको अभाव
Classic Tech

अष्ट्रेलियाका करिब ७२ प्रतिशत सार्वजनिक सेवा एजेन्सीहरूले आफ्नो विभाग भित्रै सीपको अभावबाट ग्रस्त भएको पहिचान गरेका छन् । हालै अष्ट्रेलियाली सार्वजनिक सेवा (एपीएस) आयोगले पत्ता लगाएअनुसार उनीहरूले डाटा, डिजिटल र आईटी शीर्ष तीन क्षेत्रहरुका रूपमा सूचीबद्ध क्षेत्रमा कामदारको अभाव भएको अनुभव गरेका हुन् ।

एपीएसको वर्तमान क्षमताको बारेमा सार्वजनिक सुनुवाइमा राखिएका कागजातहरुमा यो कुरा पत्ता लागेको हो । एजेन्सीहरूको ७० प्रतिशत सीपको अभाव भएको डाटा सबैभन्दा बढी रिपोर्ट गरिएको थियो, त्यसपछि डिजिटल ५४ प्रतिशत, र आईटीमा ४० प्रतिशत कामदार अभाव रहेको देखिएको जेडिनेटले उल्लेख गरेको छ।

सो डकुमेन्टको अन्तर्दृष्टिले देखाउँदछ कि एपीएस एजेन्सीहरू भित्र हालको कार्यहरूमध्ये जसमा सबभन्दा ठूलो वृद्धिको अनुभव हुने अनुमान गरिएको छ त्यो क्षेत्रहरुमा इन्टेलिजेन्स र नीति विश्लेषकहरू, ज्ञान प्रबन्धकहरू, डाटा प्रबन्धकहरू, र डाटा विश्लेषकहरू, सफ्टवेयर र एप विकासकर्ताहरू, आईटी हेल्पडेस्क सपोर्ट र आईटी परीक्षण रहेका छन् ।

एपीएस एजेन्सीहरू भित्र आईटी सीपहरूको बढ्दो मागको बाबजुद अस्ट्रेलियाको रोजगार बजारको वार्षिक मासिक समीक्षाले देखाएअनुसार महामारी पछि आईटी क्षेत्र अझै सुस्त क्षेत्रहरू मध्ये एक रहेको छ ।

रिपोर्टले २०२० को तुलनामा जनवरी २०२१ मा नयाँ आईटी रोजगारमा २२ प्रतिशत गिरावट आएको देखायो। यद्यपि विज्ञापन गरिएको ती रोजगारहरूमा प्रोग्रामहरू तथा डेभलपरहरू, व्यवसाय र प्रणाली विश्लेषकहरू, सफ्टवेयर ईन्जिनियरहरू, हेल्प डेस्क र आईटी सपोर्ट, तथा कार्यक्रम र परियोजना प्रबन्धकहरू समावेश थिए।

TK Viber

प्रकाशित: २७ फाल्गुन २०७७, बिहीबार

Loading...