भाईबर मार्फत ठगी गर्ने फरार प्रतिवादी पक्राउ

Technology Khabar २६ फाल्गुन २०७७, बुधबार

भाईबर मार्फत ठगी गर्ने फरार प्रतिवादी पक्राउ
Classic Tech

मेसेजिङ्ग एप भाइबरमार्फत ठगी गरेर फरार रहेका एक व्यक्ति पक्राउ परेका छन् । ठगी मुद्दाका फरार प्रतिवादी विराटनगर महानगरपालिका १५ बस्ने २५ वर्षीय बिशाल कुमार रायलाई सोमबार प्रहरीले पक्राउ गरेको छ ।

जिल्ला अदालत मोरङको २०७५ असार १० गतेको फैसलाले ठगी मुद्दामा १ लाख ५२ हजार रुपैयाँ जरिवाना र ३ महिना कैद तोकिएकोमा फरार रहेका बिशाललाई जिल्ला प्रहरी कार्यालय मोरङबाट खटिएको प्रहरीले विराटनगर महानगरपालिका १५ स्थित ढाटबाट पक्राउ गरेको हो ।

बिशालले २०७४ असोज ४ गते पीडितलाई ५० लाख रुपैयाँ र बिएमडिडब्लु कार समेत पुरस्कार परेको भनि पटक पटक गरी ४ लाख ८ हजार रुपैयाँ पठाउनु भनी भाईबर मार्फत ठगी गरी फरार रहेका थिए ।

बिशाललाई जिल्ला अदालत मोरङमा बुझाईएको जिल्ला प्रहरी कार्यालय मोरङले जनाएको छ।

TK Viber

प्रकाशित: २६ फाल्गुन २०७७, बुधबार

Loading...