अनलाईन सञ्चारमाध्यमले आगामी जेठ मसान्तसम्म नवीकरण गर्न पाउने

Technology Khabar २६ फाल्गुन २०७७, बुधबार

अनलाईन सञ्चारमाध्यमले आगामी जेठ मसान्तसम्म नवीकरण गर्न पाउने
Classic Tech

अनलाईन सञ्चारमाध्यमले आगामी जेठ मसान्तसम्म नवीकरण गर्न पाउने भएका छन् ।

सूचना, सञ्चार तथा प्रविधि मन्त्रालयले मंगलबार एक विज्ञप्ति जारी गर्दै अनलाईन सञ्चारमाध्यमहरुले आगामी जेठ मसान्तसम्म नवीकरण गर्न पाउन सक्ने व्यवस्था गरेको जानकारी दिएको हो ।

कोभिड १९ पछिको अवस्थामा सञ्चारमाध्यममा आर्थिक लगायत विविध समस्या देखा परेकाले सो निर्णय गरिएको विज्ञप्तिमा जनाइएको छ ।

मन्त्रालयका सचिव हरिप्रसाद बस्यालले यही फागुन २४ गते नेपाल राजपत्रमा सूचना प्रकाशित गरी सो जानकारी गराएका छन् ।

अनलाइन सञ्चार माध्यम सञ्चालन निर्देशिका, २०७३ को दफा ५ बमोजिम दर्ता भएका अनलाइन सञ्चार माध्यम प्रत्येक आर्थिक वर्ष समाप्त भएको मितिले छ महिना अर्थात् पुस महिनाभित्र नविकरण गर्नुपर्ने व्यवस्था छ ।

सोही निर्देशिकाको दफा ६ को उपदफा ९१० बमोजिम खण्ड ६७, सङ्ख्या ६१ मिति २०७४ चैत १४ को नेपाल राजपत्र भाग ५ मा सूचना प्रकाशन गरेकोमा सो सूचनाको खण्ड (ख) बमोजिम २०७७ पुस मसान्तसम्म नविकरण नभएका अनलाइन सञ्चार माध्यमलाई २०७८ जेठ मसान्तसम्म नविकरणको म्याद थप गरिएको हो ।

‘अनलाईन सञ्चारमाध्यम निर्देशिका, २०७३ को दफा ५ बमोजिम दर्ता भएका अनलाईन सञ्चारमाध्यम प्रत्येक आर्थिक वर्ष समाप्त भएको मितिले ६ महिनाभित्र अर्थात् पुस महिनाभित्र नवीकरण गराउनुपर्ने भन्ने व्यवस्था गरिएकामा पछिल्लो सूचनाले संवत् २०७८ जेष्ठ मसान्तभित्र अनलाईन सञ्चार माध्यमले नवीकरण गराउने गरी तोकिएको छ,’ विज्ञप्तिमा भनिएको छ ।

TK Viber

प्रकाशित: २६ फाल्गुन २०७७, बुधबार

Loading...