Technology Khabar २५ फाल्गुन २०७७, मंगलवार
काठमाडौं ।
शाओमीले आफ्नो इन्ट्री लेभल स्मार्टवाच एमआई वाचमा फर्मवेयर अपडेटमार्फत केही उपयोगी फिचरहरु थप गरेको छ।
वनटेकको रिपोर्ट अनुसार शाओमी एमआई वाच लाइट शाओमी विअर एपमार्फत् ४.१.२० भर्जनमा अपडेट हुँदैछ। अपडेटपछि आउने परिवर्तनहरुमा केही नयाँ सेटिङ र अटोमेटिक फिचरहरु थपिएका जनाइएको छ।
एमआई वाच लाइटमा १.४ इन्चको ३२०x३२० रेजोल्युशन सहितको वर्गाकार डिस्प्ले रहेको छ। यसले जीपीए ट्रयाकिङ, स्लीप तथा वर्कआउट ट्र्याकिङका साथै नोटिफिकेशनहरु सपोर्ट गर्दछ।
यो स्मार्टवाचमा २३० एमएएचको ब्याट्री रहेको छ भने यसले ९ दिनसम्मको ब्याक अप दिन सक्छ।
यसमा हार्ट रेट मोनिटर पनि उपलब्ध छ।
यूरोपमा यसको मूल्य ५९ युरो तोकिएको छ।
प्रकाशित: २५ फाल्गुन २०७७, मंगलवार