संगीत, खेलकुद र शारीरिक अभ्यासका सामानमा ५० प्रतिशत सम्म छुट सहित इन्फीको अफर

Technology Khabar १२ फाल्गुन २०७७, बुधबार

संगीत, खेलकुद र शारीरिक अभ्यासका सामानमा ५० प्रतिशत सम्म छुट सहित इन्फीको अफर
Classic Tech
नेपाली ईकमर्स प्लेटफर्म इन्फी स्टोरले संगीत, खेल र शारीरिक अभ्यासमा रुचि राख्नेहरुलाई मध्यनजर गर्दै नयाँ अफर ‘ब्रीङ्ग इट अन’ सन्चालन गरेको छ।
फेब्रुअरी २१ देखि सुरु भएको अफरमा चर्चित ब्रान्ड मन्त्रा गितार, द गितार शप, यमाहा म्युजिक स्टोर, भद्रकाली स्पोर्ट्स, अन्नपूर्ण स्पोर्ट्स र म्युजिक मेकिङ स्पोर्ट्सबाट सङ्गीत, खेलकुद तथा शारीरिक अभ्यासका सामानहरु सुपथ मुल्यमा घरैमा उपलब्ध गराउने इन्फीका संस्थापक एवं बिजनेस डेभलपमेन्ट हेड मुलुक लिम्बूले बताए।
अफरको महत्वलाई झल्काउँदै इन्फी स्टोरका प्रवक्ताले भने, ‘आजका युवाहरु मोबाइलको स्क्रिन र डबल ट्यापकै संसारमा अझिएका छन्। कहिल्यै नसकिने इन्टरनेट सर्फिङका कारण उनीहरुको मानसिक तथा शारीरिक स्वास्थ्यमा असर पुर्याउँदै गएको छ। त्यसैले यस्तो अभियान ल्याइएको हो।’
सङ्गीत खेल र शारीरिक अभ्यासको अफरको माध्यमबाट इन्फीले युवाहरुलाई स्फुर्त र शरीरिक तथा मानसिक स्वास्थ्यलाई स्वास्थ्य राख्न प्रोत्साहन दिएको बताईएको छ।
१४ दिन सम्म चल्ने यो अफरमा इन्फीले देशका हरेक ठाउँमा सामान डेलिभरी गर्ने इन्फीको दावी छ। यो अभियानमा ५० प्रतिशत सम्म छुट दिइएको लिम्बूले बताए।
यो अफरमा सामान खरिद गर्ने ग्राहकहरुको परोपकारी कार्यमा समेत योगदान हुनेछ। हरेक समानमा खरिदबाट आएको १० प्रतिशत नाफा ‘फिट हङ्ग्री नेपाल’ लाई प्रदान गर्ने लिम्बूले बताए।
इन्फीको आधिकारिक वेबसाईट (www.infi.store)मा गएर आफुले रोजेको सामानको अनलाइन अर्डर गर्न सकिन्छ। इन्फीमा अरु अनलाइन स्टोर भन्दा कम मुल्यमा सामान पाइने र छिटो डेलिभरी समेत गरिने लिम्बूको दावी छ।
TK Viber

प्रकाशित: १२ फाल्गुन २०७७, बुधबार

Loading...