Technology Khabar ११ फाल्गुन २०७७, मंगलवार
काठमाडौं ।
यदि तपाईं एन्ड्रोइड प्रयोगकर्ता हुनुहुन्छ भने निश्चित रूपमा तपाईंलाई गुगलको विशेष सेवा गुगल प्ले म्यूजिकको बारेमा थाहा छ।
गुगलले आधिकारिक रूपमा डिसेम्बर २०२० मा यो सेवा बन्द गर्यो। अब भने गुगल प्ले म्यूजिकका प्रयोगकर्ताहरुसँग बुधबार अर्थात २४ फेब्रुअरीसम्म आफ्नो डाटा डाउनलोड, हस्तान्तरण र मेटाउने मौका रहेको ९टू५ म्याकले रिपोर्ट गरेको छ। यसको अर्थ यदि तपाईं २४ फेब्रुअरीसम्ममा तपाईंको म्यूजिक डाटा स्थानान्तरण गर्न सक्नुहुनेछ, अन्यथा तपाईंको डाटा स्वचालित रूपमा मेटिनेछ।
स्मरण रहोस् गुगलले यूट्यूब म्यूजिक एपको साथ गुगल प्ले म्यूजिक एपलाई प्रतिस्थापन गर्न गइरहेको छ। कम्पनीले गत वर्ष यस बारेमा घोषणा गरेको थियो।
यदि तपाईं गुगल प्ले म्यूजिक एपमा आफ्नो मनपर्ने गीतहरू सुन्नुहुन्छ, र यसलाई सँधै सेभ गर्न चाहनुहुन्छ भने, गुगलले युट्युब म्यूजिकमा ट्रान्सफर गर्ने अवसर दिएको छ। गुगलले भन्छ कि २४ फेब्रुअरी भन्दा पहिले म्यूजिक ट्रान्सफर गर्नुहोस्।
गुगलले यसको बारेमा प्रयोगकर्ताहरूलाई ईमेलमा समेत जानकारी दिईरहेको छ। यसको लागि म्यूजिक डट गुगल डट कम (music.google.com) वा एन्ड्रोइड वा आईओएस एपमा गएर आफ्नो डाटा ट्रान्सफर गर्न सकिनेछ । एजेन्सीका साथ
प्रकाशित: ११ फाल्गुन २०७७, मंगलवार