भारतीय स्टार्टअप सेयरच्याट किन्ने ट्विटरको चाहना, ‘मोज’ एपलाई टिकटकको प्रतिस्पर्धी बनाउने

Technology Khabar १० फाल्गुन २०७७, सोमबार

भारतीय स्टार्टअप सेयरच्याट किन्ने ट्विटरको चाहना, ‘मोज’ एपलाई टिकटकको प्रतिस्पर्धी बनाउने
Classic Tech

ट्विटरले हालै भारतीय सोशल मिडिया स्टार्टअप सेयरच्याटलाई हासिल गर्न वार्ता गरेको छ ।

कम्पनीले विश्वको दोस्रो ठूलो इन्टरनेट बजारमा आफ्नो उपस्थिति विस्तार गर्न र टिकटकमा वैश्विक प्रतिस्पर्धी निर्माण गर्ने तरिकाहरूका लागि कदम चालेको सो बारेमा परिचित तीन स्रोतलाई उदृत गर्दै टेकक्रन्चले रिपोर्ट गरेको छ।

रिपोर्टकाअनुसार भारतको बेगंलुरुस्थित सेयरच्याटमा अमेरिकी कम्पनीले यसअघि नै लगानी गरेको छ भने हाल ५ बर्षे भारतीय स्टार्टअपलाई १.१ अर्ब डलरमा किन्ने प्रस्ताव गरेको हो । यसका साथै थप ९० करोड अमेरिकी डलरको लगानी गर्ने प्रतिबद्धता गरेको छ।

लाइटस्पीड पार्टनर्स इन्डिया, एलिभेसन क्यापिटल, र इंडिया क्वोटिएन्टलगायतको सेयरच्याटले आजसम्म करिब २६० मिलियन डलर उठाएको छ।

सो वार्ता सम्झौतामा रुपान्तरण नभएको स्रोतलाई उदृत गर्दै बताईएको छ  ।

यसैगरि ट्विटरले सेयरच्याटको अधिनमा रहेको एक सर्ट फर्म भिडियो एपलाई विश्व बजारमा लाने चासो देखाएको छ जसलाई अन्तर्राष्ट्रिय बजारमा चिनियाँ एप टिकटकको प्रतिद्वन्द्वीको रुपमा विकास गरिनेछ।

TK Viber

प्रकाशित: १० फाल्गुन २०७७, सोमबार

Loading...