शाओमीको नयाँ कन्सेप्ट फोन, कुनै बटन तथा पोर्टहरु नभएको वाटरफल डिस्प्ले डिजाइन

Technology Khabar २३ माघ २०७७, शुक्रबार

शाओमीको नयाँ कन्सेप्ट फोन, कुनै बटन तथा पोर्टहरु नभएको वाटरफल डिस्प्ले डिजाइन
Classic Tech

विश्वको तेस्रो प्रमुख स्मार्टफोन मेकर कम्पनी शाओमीले हालै नयाँ कन्सेप्ट फोन सार्वजनिक गरेको छ । कम्पनीको यो कन्सेप्ट फोनमा क्वाड-कर्भ्ड वाटरफल डिस्प्ले रहेको छ। यो फोनमा कुनै बटन तथा पोर्टहरु राखिएको छैन् ।

शाओमीले हालै आफ्नो आधिकारिक ट्विटर ह्यान्डल र ब्लगमार्फत नयाँ कन्सेप्ट फोनको बारेमा जानकारी दिएको हो ।

यसअघि कम्पनीले सन् २०१९ मा एमआई अल्फा नामक फोन देखाएको थियो भने हाल नयाँ कन्सेप्ट फोन सार्वजनिक गरेको हो । कम्पनीले यो फोनको नाम हालसम्म तोकेको छैन तर यसमा भएको डिस्प्लेलाई भने ८८ डिग्री हाइपर क्वाड कर्भ्ड स्क्रीन नाम दिएको छ ।

यो स्क्रीन डिजाइनले नयाँ भिजुअल इन्टरफेस प्रदान गर्नेछ, जसमा फोनको सतहमा पानी बगिरहेको महसुस गर्न सकिन्छ ।

फोनको बडी लगभग सबै स्क्रीनबाट कभर गरिएको छ भने यसले भविश्यमा यूनिबडी नो पोर्ट डिजाइन ल्याउन सहयोग गर्ने बताईएको छ।

‘शाओमी कल्पना गर्न र वास्तविकता बीच सबैभन्दा राम्रो सन्तुलन खोज्नको लागी, आविश्कारलाई रोक्दैन। क्लासिक स्मार्टफोन फार्म फ्याक्टरको सीमालाई धकेल्दै, शाओमी ईन्जिनियरहरूले स्मार्टफोनलाई सकेसम्म सजिलो बनाउन र ‘केवल एक स्क्रीन’ फार्म फ्याक्टरलाई जीवनको एक चरणमा ल्याउने प्रयास गरेका छन् ।’ कम्पनीले भनेको छ ।

कम्पनीको यसमा राखिएको ग्लासलाई ८०० डिग्री तापक्रममा तयार पारिएको र हजारौं प्रयासमा एउटा मात्र यस्तो गर्न सकिने दाबी गरेको छ ।

फोनमा अण्डर डिस्प्ले क्यामरा वायरलेस चार्जिङ्ग इसिम चिप्स टच सेन्सरहरु लगायतका प्रविधिहरु राख्न सकिने जनाएको छ ।

हेर्नुस् शाओमीको नयाँ कन्सेप्ट फोन-

TK Viber

प्रकाशित: २३ माघ २०७७, शुक्रबार

Loading...