Technology Khabar १८ माघ २०७७, आईतवार
काठमाडौं ।
सानिमा बैंकले सामसङको एस२१ सिरिज किन्दा निःशुल्क क्रेडिट कार्ड तथा शून्य ब्याजदरमा मासिक किस्ताबन्दी (ईएमआइ) को व्यवस्था गरेको छ। साथै सामसङको तर्फबाट आकर्षक प्री‐बुकिङ्ग उपहारहरुको पनि व्यवस्था गरिएको छ।
सानिमा बैंकको डेविट तथा क्रेडिट कार्ड प्रयोग गर्दा विभिन्न अस्पताल, सपिङ्ग आउटलेट, होटेल, रेष्टुरेन्ट आदिमा विशेष छुटको व्यवस्था गरिएको बैंकको भनाइ छ।
यसका लागि बैंकले नेपालमा सामसङ मोबाइलको आधिकारिक वितरकहरु आइएमएस स्मार्ट प्राली र हिम इलेक्ट्रोनिक्ससँग सम्झौता गरेको हो।
ग्राहकले आइएमएस स्मार्ट प्राली र हिम इलेक्ट्रोनिक्सका विभिन्न आउटलेटबाट प्री‐बुकिङ्ग गर्न सक्नेछन्।
उक्त योजना माघ २३ गतेदेखि उपलब्ध हुने गराइने बताइएको छ।
बैंकको हालसम्म ८६ वटा शाखा, १५ विस्तारित काउन्टर र ८६ वटा एटिएम संचालनमा रहेको जनाएको छ ।
प्रकाशित: १८ माघ २०७७, आईतवार
