अन्तरिक्षमा स्याटेलाइट प्रक्षेपणको विषयमा विश्वकै दुई धनाढ्य व्यक्तिहरु प्रतिस्पर्धामा

Technology Khabar १६ माघ २०७७, शुक्रबार

अन्तरिक्षमा स्याटेलाइट प्रक्षेपणको विषयमा विश्वकै दुई धनाढ्य व्यक्तिहरु प्रतिस्पर्धामा
Classic Tech

अन्तरिक्षमा स्याटेलाइट प्रक्षेपणको विषयमा संसारकै सबैभन्दा धनी व्यक्तिहरु विवादमा मुछिएका छन् । ती व्यक्ति हुन्, अमेजनका संस्थापक जेफ बेजोस र टेस्लाका संस्थापक एलन मस्क।

दुवै ठूलो संख्यामा अन्तरिक्षमा स्याटेलाईट प्रक्षेपण गर्न चाहान्छन् । यस्तोमा दुबैबीच सामाजिक सञ्जालमा नै अन्तरिक्षमा कस्ले कब्जा गर्ने भनेर लडाई सुरु भएको छ ।

मस्कले सामाजिक सञ्चालनमा स्पेसएक्सका माध्यमबाट अमेजनको आलोचना गरेका छन् । मस्कले बेजोसको कम्पनीले स्टारलिंकको रणनीतिको बारेमा गलत प्रचार गरेको आरोप लगाएका छन् । स्टारलिंक एक स्याटेलाइट इन्टरनेट कन्स्टलेसन कम्पनी हो । यसलाई स्पेसएक्सले सञ्चालन गर्छ ।

विवाद के हो

स्पेसएक्सका डाइरेक्टर डेभिड गोल्डम्यानले अघिल्लो हप्ता अमेरिकाको फेडरल कम्युनिकेसन कमिसन (एफसीसी)सँग स्टारलिंक स्याटेलाईट अन्तरिक्षको तल्लो भागमा अपरेट गर्नका लागि अनुमति मागेका थिए ।

अमेजनको स्पेस कम्पनी ब्लू ओरेजन छ । ब्लू ओरेजनले आफ्नो स्याटेलाईट ५९० किमिको उचाईमा स्थापित गर्ने योजना बनाएको छ। मस्कको स्पेसएक्सले ५४० देखि ५७० किमि उचाईमा स्याटेलाईट राख्न अनुमति पाईसकेको छ । यस्तोमा दुबै कम्पनीहरुबिच कुन स्थानमा स्याटेलाइट राख्ने भनेर विवाद भएको हो ।

अमेजनको आरोप छ कि यस उचाईमा स्पेसएक्सको स्याट‍ेलाइटले अमेजन र अर्को कूइपर प्रोजेक्ट र अन्य स्याटेलाइट सिंगलमा क्षति पुर्याउनेछ । तर स्पेसएक्स यो मान्न तयार छैन ।

अमेजनको स्याटेलाईट पनि अन्तरिक्षमा इन्टरनेट सेवा दिनका लागि डिजाइन गरिएको हो ।

ब्लूमबर्गका रिर्पोटकाअनुसार यो विवाद छताछुल्ल हुनेगरी बाहिरिएको छ । दुबै धनाढ्य अन्तरिक्षमा आफ्नो एकाधिकार कायम राख्न चाहान्छन् ।

अमेजनले सन् २०२१ जनवरी २६ मा सामाजिक सञ्जालमा लेखेको थियो कि स्पेसएक्सको प्रस्तावित उचाई परिवर्तन गर्न आवश्यक छ । यसले अन्य प्रतिस्पर्धी स्याटेलाइट कम्पनीलाई हानी पुर्याउँछ ।

अमेजनलाई जवाफ दिँदै मस्कले सामाजिक सञ्जालमा भनेका थिए । अमेजनको प्रस्ताव उपभोक्ताको हितमा छैन । स्पेसएक्सको कुनै पनि स्याटेलाईट सार्न हुँदैन किनकी अमेजनको सिस्टम संचालनको लागि लामो समय बाँकी छ ।

स्पेसएक्ससँग एक हजार स्याटेलाइट

स्पेसएक्सले एफसीसीबाट ३२३६ वटा स्याटेलाइट अन्तरीक्षमा प्रक्षेपण गर्ने अनुमति प्राप्त गरिसकेको छ । हालसम्म स्पेसएक्सले एक हजार स्याटेलाइट अन्तरिक्षमा प्रक्षेपण गरिसकेको छ । यसबाट यूरोप र उत्तर अमेरिकाका उपभोक्ताले इन्टरनेट सेवा पनि लिन सुरु गरिसकेका छन् ।

जेफको कम्पनीले हालसम्म एउटा पनि स्याटेलाइट अन्तरिक्षमा पठाएको छैन ।

केहि दिनअघि मात्र मस्कको कम्पनी स्पेसएक्सले स्याटेलाइट प्रक्षेपणको क्षेत्रमा समेत नयाँ कीर्तिमान कायम गरेको छ ।

स्पेसएक्सको फाल्कन नाइन रकेटमा हालेर एकैसाथ १४३ वटा स्याटेलाइट पृथ्वीको कक्षमा प्रक्षेपण गरिएको हो । गएको आइतबार भएको उक्त प्रक्षेपण एकसाथ सबैभन्दा धेरै स्याटेलाइट प्रक्षेपणको गर्ने रेकर्ड भएको बताइएको छ ।

ट्रान्सपोर्टर वान नामक उक्त मिसनमा स्पेसएक्सको स्टारलिंक इन्टरनेट नेटवर्कका १० वटा स्याटेलाइट छन् । त्यस्तै अन्य स्याटेलाइटहरु विभिन्न कम्पनीका रहेका छन् ।

यसअघि एकसाथ सर्वाधिक रकेट प्रक्षेपणको कीर्तिमान पीएसएलभी नामक भारतीय रकेटको नाममा थियो । उक्त रकेटबाट सन् २०१७ मा एकसाथ १०४ वटा स्याटेलाइट प्रक्षेपण गरिएको थियो । एजेन्सीका साथ

TK Viber

प्रकाशित: १६ माघ २०७७, शुक्रबार

Loading...