ह्वाट्सएपमा डेस्कटप लगइन अझ बढी सुरक्षित, प्रमाणिकरण गर्ने यस्तो छ तरिका

इन्स्ट्यान्ट मेसेजिङ्ग एप ह्वाट्सएपले गोपनीयता नीति विवादको बीचमा यसको ह्वाट्सएप वेब र डेस्कटपको लागि एक नयाँ सुरक्षा सुविधा ल्याएको छ। जुन पछि प्रयोगकर्ताहरूले ह्वाट्सएप वेब खोल्नको लागि प्रमाणित गर्नुपर्नेछ।

यो भेरिफिकेसन फिंगरप्रिन्ट स्क्यानिङ्ग वा अनुहार पहिचान अर्थात फेस रिकग्निशन मार्फत गरिन्छ। यो सुविधा यस हप्ता प्रयोगकर्ताहरूको लागि रोल आउट गरिने विश्वास गरिएको छ ।

केवल क्यूआर कोडले काम गर्दैन
ह्वाट्सएपका अनुसार प्रयोगकर्ताहरूले क्युआर कोड स्क्यान गर्नु अघि उनीहरूको खाता ह्वाट्सएप वेब वा डेस्कटपमा जडान गर्नका लागि फोनमा अनुहार वा फिंगरप्रिन्ट अनलक प्रयोग गर्नुपर्दछ। हालसम्म ह्वाट्सएप वेब क्यूआर कोडको साथ मात्र प्रयोग गर्न सकिने थियो।

कसरी तपाईं यो सुविधा प्रयोग गर्न सक्नुहुन्छ ?

तपाईंको खातालाई ह्वाट्सएप वेब वा ह्वाट्सएप डेस्कटपमा लिंक गर्न, ह्वाट्सएप खोल्नुहोस्।

यस पछि, दायाँपट्टि प्रदान गरिएको माथितिर रहेको तीनवटा थोप्लाहरूमा क्लिक गर्नुहोस् र सेटिङ्गसमा जानुहोस्।

अब व्हाट्सएप वेब वा डेस्कटपमा क्लिक गर्नुहोस्।

यहाँ एक उपकरणलाई लिंक गर्नुस् (Link a Device) मा क्लिक गर्नुहोस्।

यो गरिसकेपछि, फोनको बायोमेट्रिक प्रमाणीकरण प्रक्रिया अनुसरण गर्नुहोस्।

ध्यानमा राख्नुहोस् कि जब तपाइँ क्यूआर कोड स्क्यान गर्नुहुन्छ र यदि तपाइँको खाताले अरू कहीँ अन्य स्थानमा पनि लग इन भएको भन्छ भने, यसलाई तुरुन्त लग आउट गर्नुहोस्।

एकै साथ धेरै डेस्कटपमा ह्वाट्सएप चलाउन सकिने
यसका साथै, ह्वाट्सएप प्रयोगकर्ताहरूले चाँडै नै बहु-उपकरण लगइन सुविधा पनि प्राप्त गर्न सक्दछन्। केहि समय पछि, प्रयोगकर्ताहरूले एकै पटक धेरै डेस्कटपहरूमा उही ह्वाट्सएप खाता चलाउन सक्नेछ। अहिले डेस्कटपमा एकल खाता चलाउने मात्र सुविधा छ।