वालमार्टले अनलाईन अर्डर साना रोबोटको सहायताले गराउने योजनामा

Technology Khabar १४ माघ २०७७, बुधबार

वालमार्टले अनलाईन अर्डर साना रोबोटको सहायताले गराउने योजनामा
Classic Tech

अमेरिकी कम्पनी वालमार्टले अनलाईन अर्डरहरु रोबोटको सहायतामा लिएर डेलिभरी गर्ने योजना बनाएको छ ।

वालमार्टले साना रोबोट कर्मचारीको सहयोगबाट आफ्नो गोदामका सामान पिकअप र डेलिभरी गर्नका लागि अर्डर लिने योजना बनाएको बुधबार कम्पनीले जानकारी दिएको छ ।

कोभिड–१९ को कारण अमेरिकामा अनलाईनबाट सामान खरिद गर्नेहरुको संख्यामा ठूलो वृद्धि भएको छ । रोबोटहरुले पर्दा पछाडि काम गर्नेछन् ।

जस्तै फ्रिज गरिएको र फ्रिजयुक्त खाद्य पदार्थको साथसाथै गोदाम भित्रबाट साना सामान्य वस्तु उठाउने कामका लागि रोबोटको प्रयोग गरिन्छ ।

स्टोरका कर्मचारीले ताजा उत्पादन, मासु, सिफुड, ठूला स्क्रिन टिभी लगायत व्यापारिक वस्तुमा काम गर्नेछन् ।

वालमार्टको अमेरिकामा ५ हजारभन्दा धेरै स्टोर सञ्चालनमा छ । कम्पनीले तत्काल कति वटा स्टोरमा रोबोटबाट काम लिनेछ भनेर जानकारी दिएको छैन ।

सुरुवाती चरणमा दर्जनौं स्थानमा रोबोटबाट काम गर्नेछ र त्यसपछि बिस्तारै अन्य स्टोरमा जाने कम्पनीको योजना छ । रोयटर्स

TK Viber

प्रकाशित: १४ माघ २०७७, बुधबार

Loading...