एलन मस्कको कम्पनीद्धारा स्याटेलाइटमा आधारित इन्टरनेट सेवा सुरु, एक अर्ब डलर लगानी

Technology Khabar १२ माघ २०७७, सोमबार

एलन मस्कको कम्पनीद्धारा स्याटेलाइटमा आधारित इन्टरनेट सेवा सुरु, एक अर्ब डलर लगानी
Classic Tech

टेस्ला र स्पेसएक्सका संस्थापक एलन मस्कले इन्टरनेट सेवा सुरु गरेका छन् । मस्कको स्पेसएक्स कम्पनीले स्टारलिंक इन्टरनेट सेवाका लागि एक हजारभन्दा धेरै स्याटेलाईट प्रक्षेपण गरेका छन् ।

सुरुवाती समयमा यो सेवाको उपयोग अमेरिका, क्यानडा र बेलायतका उपभोक्ताले पाउनेछन् ।

प्लेन र समुन्द्रमा इन्टरनेट सेवा उपलब्ध गराउने लक्ष्य अनुरुप मस्कले स्टारलिंक इन्टरनेट सुरु गरेका हुन् । यसका लागि मस्कले एक अर्ब अमेरिकी डलर लगानी गर्दैछन् ।

रिर्पोटका अनुसार केहि महिनादेखि स्पेसएक्सले आफ्नो फाल्कन ९ रकेटबाट स्टारलिंक स्याटेलाईट प्रक्षेपण गरिरहेको छ । एक पटकमा ६० वटा स्याटेलाईट आकाशमा छोडिनेछ । यसको १७ औं स्टारलिंक सन् २०२१ को जनवरी २० मा प्रक्षेपण गरिएको छ ।

अर्बिटमा कम्पनीको ९६० वटा स्याटेलाईट चालु अवस्थामा छ । यसबाट स्पेसएक्स उत्तर अमेरिका र बेलायतमा आक्रमक सेवा बिस्तार गर्ने तयारीमा छ । यसको लागि कम्पनीले ग्राहक बनाउन शुरु गरिसकेको छ । यसका बारेमा स्पेसएक्सबाट भने कुनै आधिकारीक धारणा आएको छैन ।

एयरस्पेस र डिफेन्स स्ट्राटेजीमा काम गर्ने कम्पनी अलर्भरिज एन्ड मार्सका एमडी लुइगी पेलुसो स्टारलिंकको सेवा उत्कृष्ट हुने दाबी गर्छन । स्टारलिंकले सस्तो मूल्यमा इन्टरनेट सेवा दिइरहेको छ । यसले पनि स्पेस टेक आम उपभोक्ताको कम्पनी भएको यसले पनि पुष्टी गर्ने उनको भनाई छ ।

TK Viber

प्रकाशित: १२ माघ २०७७, सोमबार

Loading...