भिभो एक्स ६० प्रोप्लस ५जी जनवरी २१ मा सार्वजनिक हुँदै, यस्ता छन् फिचर

Technology Khabar ६ माघ २०७७, मंगलवार

भिभो एक्स ६० प्रोप्लस ५जी जनवरी २१ मा सार्वजनिक हुँदै, यस्ता छन् फिचर
Classic Tech

भिभोले जनवरी २१ मा भिभो एक्स६० प्रोप्लस ५जी स्मार्टफोन चीनमा सार्वजनिक गर्ने भएको छ । यो यस अघि सन् २०२० डिसेम्बरमा सार्वजनिक गरिएको भिभो एक्स६० र एक्स ६० प्रोको शक्तिशाली भर्सन हो ।

सार्वजनिक अघि कम्पनीले भिभो एक्स६० प्रोप्लस ५जी स्मार्टफोनको डिजाइन र फिचर बाहिर ल्याएको छ ।

भिभो एक्स६० प्रोप्लस ५जी स्मार्टफोन डुअल मेन क्यामरा र स्न्यापड्रागन ८८८ चिपसेट र एन्ड्रोइड ११ अपेरटिङ सिस्टममा आउने छ।

भिभो एक्स६० र एक्स६० प्रोमा एक्सनोज १०८० चिपसेट र एन्ड्रोइड ११ अपरेटिङ सिस्टमा उपलब्ध छ । टिपस्टर डिजिटल च्याट स्टेसनका अनुसार भिभो एक्स६० प्रोप्लस ५जीमा क्वाड क्यामरा सटअअप छ । जसमा सामसङका जीएन १५० मेगापिक्सेल प्राइमरी क्यामराले एफ/१.६ अपर्चर छ ।

४८ मोगापिक्सेलको अल्ट्रावाइड लेन्स छ जसमा दोस्रो जेनेरेसनको माइक्रो जिमबल स्टेबललाइजेसन दिइएको छ । डुअल मुख्य क्यामरा ५ एक्स पेरिस्कोप टेलिफोटो लेन्स र पोट्र्रेट सेन्सर जाडन गरिएको छ ।

यो फोन भिभो चीनको आधिकारीक बेवसाइटमा राखिएको छ ।

उपभोक्ताले ७.७ डलरमा भिभो एक्स६० प्रोप्लस ५जी बुक गर्न सक्नेछन् ।

भिभो एक्स६० प्रोप्लस ५जी दुई कलरमा उपलब्ध छ । डार्क ब्लू र क्लासिक ओरेन्जमा उपलब्ध छ । दुई भेरियेन्ट ८ जीबी र्याम र १२८ जीबी स्टोरेज तथा १२ जीबी र्याम र २५६ जीबी स्टोरेजमा उपलब्ध छ।

भिभो एक्स६० र एक्स ६० प्रोमा जस्तै यसमा पनि ६.५६ इन्च एमोलेड स्क्रिन रहनेछ जसको रिफ्रेस रेट १२० हर्ज हुनेछ । ५५ वाटको फ्रास्ट चार्जिङमा आउने चर्चा छ। एजेन्सी

TK Viber

प्रकाशित: ६ माघ २०७७, मंगलवार

Loading...